समिक्षाः पाँच दलिय गठबन्धन र एमालेको गढमै जनमतको हर्न बलियो

न्यूज ब्यूरो, जनकपुरधाम । बारा निर्वाचन क्षेत्र नं. २ को उपनिर्वाचनको मतपरिणाम अनुसार जसपाको गढमा जनमत पार्टीले आफ्नो पक्कड बनाउन सफल भएको छ ।

बारा जिल्लाको करैयामाई गाउँपालिकाको ८ वटै वडामा जसपा र एमालेको गढ मानिन्छ, तर १ प्रतिशत पनि मत नरहेको जनमत पार्टीले विभिन्न वडामा लीड गर्न सफल भयो ।

सोमबार र मँगलबार गरी सम्पन्न भएको करैयामाई गाउँपालिकाको वडा स्तरको मत परिणाम अनुसार, जसपा जितेको वडामा पनि जनमत पार्टीले दमदार मत ल्याउन सफल भएको छ । जसपाकै गढमा पसेर जनमतले मोदी डिजाइनजको राजनीति प्रारम्भ गरेको बताईन्छ ।

स्थानीय तह चुनाव २०७९ मा करैयामाई गाउँपालिकाको वडा नं. १ बाट जसपाका वडाध्यक्ष निर्वाचित भएका छन् । जहाँ हर्न छापको मात्र १० मत रहेको छ । मात्र १० मत वडामा प्राप्त गरेका वडामा जनमतले ३५८ मत ल्याउन सफल भए । जसपाले मात्र १०० मत बढी ल्याए । १४६ मै अल्झेको एमालेले पनि ३१८ मत ल्याउन सफल भयो ।

यस्तै, करैयामाईको वडा नं. २ मा एमालेको वडा रहेपनि जनमतले सबभन्दा बढी मत ल्याए । जसपाले ११३ मत ल्याए भने जनमतले २७० मत ल्याउन सफल भए । उही एमालेको वडा भएपनि एमालेले १९२ मत ल्याए ।

वडा नं. ३ पनि जसपाकै वडा रहेको छ । जसमा हर्न छापले ५१८ मत ल्यायो । जसपाले मात्र ५४६ मत ल्यायो । सो वडामा दोस्रो रहेको एमालेले मात्र २८ मत ल्याउँदा जनमत पार्टीलाई विकल्पको रुपमा लिएको बुझन सकिन्छ ।

वडा नं. ४ माओवादीको वडा रहेको छ । जसमा जसपाले ३५४ मत र हर्नले २४२ मत ल्याए । वडा नं. ५ नेपाली काँग्रेसको रहेको छ जुन जसपाको गठबन्धनमा सामेल भई जसपालाई सघाउँदा पनि हर्नले जसपाभन्दा दोब्बर मत ल्याउन सफल रहयो । जसपाले सो वडामा २६० मत ल्यायो भने जनमतले ५०४ मत ल्यायो । उही वडामा दोस्रो रहेको एमालेले मात्र ३३१ मत ल्यायो ।

वडा नं. ६ मा निल अर्थात शून्य रहेको जनमत पार्टीले ६८ मत ल्याएका छन् । सो वडामा जसपाको वडाध्यक्ष निर्वाचित छन् । गठबन्धनको गढमा जनमतले शून्यबाट ६८ मतसम्मको सफर तय गरेको हो ।

करैयामाई गाउँपालिकाको वडा नं. ७ पनि गठबन्धनको रहेको छ । काँग्रेस जसपा गठबन्धनको गढमा स्थानीय तहमा शून्य रहेको जनमत पार्टीले ४५२ मत ल्याउन सफल भएको छ । पाँच दलिय गठबन्धनको मत भने ८६४ रहेको छ ।

यस्तै, एमालेको वडा र जसपा प्रत्यासी रहेको वडा नं. ८ मा जसपाले ८५८ मत ल्याएका छन् भने जनमतले ३९८ मत ल्यायो । एमालेको वडामा एमालेले मात्र ६५६ मत ल्यायो ।

यस अनुसार, एमाले र पाँच दलित गठबन्धनको गढ रहेको करैयामाई गाउँपालिकामा जसपाले ४ हजार ४० मत ल्यायो भने जनमत पार्टीले २९०१ मत ल्याउन सफल भयो । एमाले भने मात्र २१०० मतमा झुण्डिरहयो ।

करैयामाई गाउँपालिकाको मत समिक्षा गर्दा डा. सिके राउत नेतृत्वको जनमत पार्टीले आफ्नो गढ बनाउन पनि सफल भएको छ । शून्य मत रहेको हर्न छापले प्रतिनीधिसभा चुनावमा दोस्रो मत ल्याउनु जनमतको लागि राजनीतिक सुखद पक्ष रहेको छ । गत मँसिरमा जनमतले सो क्षेत्रबाट मात्र २७२५ मत ल्याएका थिए । यसपाली एक मात्र गाउँपालिकाबाट सो भन्दा अधिक मत ल्याएको हो ।