कमला नगरपालिकाको निःशुल्क प्रजनन स्वास्थ्य शिविरमा १००० बढीले लिए सेवा, १० महिलामा क्यान्सर

न्यूज ब्यूरो, जनकपुरधाम । धनुषाको कमला नगरपालिकामा सम्पन्न भएको दुई दिने निःशुल्क स्वास्थ्य शिविरमा १००० बढी महिला लाभान्वित भएका छन् ।

अन्तराष्ट्रिय गैर सरकारी सँस्था एड्रा नेपालको आयोजना तथा बागमति सेवा समाज र कमला नगरपालिकाको सहकार्यमा चलेको दुई दिने निःशुल्क प्रजनन सम्बन्धि स्वास्थ्य शिविरमा १००० जना बढी महिलाले सेवा लिएको नगरपालिकाका स्वास्थ्य शाखा सँयोजक रामकुमार ठाकुरले जानकारी दिए ।

ठाकुरका अनुसार, चैत्त २३ गते र २४ गते गरी दुई दिने शिविरमा नगरपालिकाको ९ वटै वडाबाट आएकी महिलाहरुले सेवा लिएकी हुन् । सो क्रममा ४९ जनालाई पाठेघर को सल्यक्रिया गर्नु पर्ने र १० जनामा क्यानसरको शंका देखिएको बिरामीहरु स्क्रीनिङ्ग गरिएको बताए ।

शंका देखिएकी तथा अप्रेशन गर्नुपर्ने महिला विरामीलाई यथाशिघ्र ४९ जनालाई मधेश प्रदेशको बिज्ञान प्रतिष्ठान जनकपुरमा निःशुल्क अप्रेशनको व्यवस्था समेत रहेको जनाइएको छ । सो मध्ये यातायात र खानाको संगै अप्रेशन पनि निःशुल्क गरिने जनाइएको छ ।

अस्ट्रेलियन येड , आड्रा नेपाल र बागमती सेवा समाजको सक्रियता एवम् नेदरल्याण्डको प्रोग्राम म्यानेजर एस्टेलाको विशेष पहलमा भएको स्वास्थय शिविरबाट नागरिकहरु प्रत्यक्ष लाभान्वित बनेका हुन् ।

शिविरमा स्वास्थ्य शाखा सहसँयोजक अमरेश यादव, महिला समुदायिक स्वास्थ्य स्वयँसेविका, कर्मचारीहरुको सक्रिय सहभागीताले स्वास्थ्य शिविर सफलतापूर्वक सम्पन्न भएको छ ।