पूर्वमन्त्री खानलाई कारवाही गर्न राष्ट्रिय एकता अभियानको रैली

न्यूज ब्यूरो, जनकपुरधाम । पूर्व खानेपानी मन्त्री अब्दुल खानको एमएमएस भिडियो लीक भएपछि राष्ट्रिय एकता समाजले निलम्बनको माग गर्दै रैली निकालेको छ ।

जनमत पार्टीको केन्द्रीय कार्यालय अगाडी राष्ट्रिय एकता अभियान नामक सँस्थाले साँसदको हैसियतले कारवाही गर्न पार्टी अध्यक्ष डा. सिके राउतसँग माग गरेका छन् ।

मँगलबार केन्द्रीय कार्यालय अगाडी नै राष्ट्रिय एकता अभियानका करिब एक दर्जन सदस्यहरुले बैनर झुण्याउँदै निलम्बनको माग गरेको हो ।

अश्लिल साँसद अब्दुल खान मुर्दाबाद, साँसदको गरिमासँग खेलवाड गरेको भन्दै राजीनामाको माग, खानलाई संरक्षण दिएको भन्दै डा. राउतको विरुद्धमा समेत मुर्दावादको नारा लगाइएको हो ।

अभियानकी केंद्रीय उपाध्यक्ष सुनीता साहको नेतृत्वमा भएको प्रदर्शनमा राष्ट्रिय विधार्थी परिषदका महासचिव पप्पू यादव, केंद्रीय सदस्य मिना साह, काङ्ग्रेसका कार्यकर्ता चन्द्र यदुवंशी लगायतको उपस्थिति रहेको थियो।