सेनाले फायरिँग अभ्यास गर्ने, धनुषाधामदेखि चारनाथ खोलासम्म पशुचौपाया खुल्ला नछोडन आग्रह

न्यूज ब्यूरो, जनकपुरधाम । नेपाली सेनाले फायरिँग अभ्यास गर्ने भएपछि धनुषाधाम क्षेत्र र चारनाथ नदी क्षेत्रमा दोपाया चौपाया पशु खुल्ला नछोडन आग्रह गरिएको छ ।

सेनाले धनुषाधामको बालुवाखोला र गणेशमान चारनाथ नगरपालिकाको चारनाथ खोला क्षेत्रमा पशुचौपाया खुल्ला नछोडन आग्रह गरिएको हो ।

चैत्त १ देखि चैत्त ११ गतेसम्म सो क्षेत्रमा आर्टिलरी फिल्ड फायरिँग अभ्यास सँचालन गर्ने भएपछि सो क्षेत्रमा गाई, भैँसी, बाख्रा लगायतका घरपालुवा जनावरहरुलाई खुल्ला नछोडन आग्रह गरेको हो ।

सेनाले गत फागुन २६ गते एक सार्वजनिक सूचना जारी गर्दै राजदल गण र नंं १ रादलगणले सँयुक्त रुपमा फायरिँग अभ्यास सँचालन गर्ने भएपछि १७ किलोमिटर वरिपरीमा पशुचौपायाको आवतजावत बन्द गर्न आग्रह गरेको हो ।