नेपाल उद्योग वाणिज्य संघ मधेश प्रदेशको जिल्ला नगर उपाध्यक्षमा महासेठ निर्विरोध निर्वाचित

न्यूज ब्यूरो, जनकपरधाम । जनकपुरधाम उद्योग वाणिज्य संघका अध्यक्ष एवम कुशल व्यावसायी जीतेन्द्र महासेठ नेपाल उद्योग वाणिज्य संघ महासंघको जिल्ला नगर उपाध्यक्षमा निर्वाचित भएका छन् ।

विहिबार सम्पन्न महासंघको अधिवेशनबाट मधेश प्रदेशको लागि जिल्ला नगर कमिटि उपाध्यक्षमा महासेठ निर्विरोध निर्वाचित भएका छन् ।

जनकपुरधाम उद्योग वाणिज्य संघका अध्यक्ष समेत रहेका महासेठलाई व्यापारी व्यवस्थापनको कुशल कार्य सम्पादनको लागि निर्विरोध निर्वाचित गरेको बताइएको छ ।

जीतेन्द्र महासेठ जनकपुरधामका एक कुशल व्यावसायी समेत हुन् । जनकपुरधामको व्यापार जगतमा महासेठ एक युथ आईकनको रुपमा चिनिएका छन् । उनलाई विभिन्न माध्यमबाट उनका शुभचिन्तकहरुले बधाई दिएका हुन् ।

यस्तै, महासंघको मधेश प्रदेशको लागि एशोसिएट उपाध्यक्षमा जनकपुरका व्यावसायी राजेश अग्रवाल समेत निर्विरोध चयन भएका हुन् ।