खोलाबाट अवैध वालुवा गिट्टी उत्खन्न गरि ल्याउने २ वटा ट्रिपर नियन्त्रणमा

न्यूज ब्यूरो, जनकपुरधाम । धनुषा प्रहरीले खोलाबाट अवैद्य गिट्टी बालुवा उत्खनन गर्ने दुई वटा ट्रिपर नियन्त्रणमा लिएको छ ।

गएराती करिब ११ः३० बजेको समयमा कमला नदीबाट अवैद्य बालुवा गिट्टी उत्खनन भईरहेको सूचनाको आधारमा दुई ट्रिपर पक्राउ गरेको हो ।

प्रहरीले गोप्य सुचनाको अधारमा वडा प्रहरी कार्यालय रेल्वे धनुषाबाट खटिएको प्रहरी टोलीले जिल्ला धनुषा जनकपुर उप–महानगरपालिका वडा नं. १ शहिद चोक स्थितमा बेंगाशिवपुर तर्फबाट आउदै गरेको बालुवा लोड रहेका र भ्याट विल समेत नभएका ज. १ क. र प्रदेश–२–०२–००१ क ०००१ नम्बरका टिपरहरूलाई नियन्त्रणमा लिई आवश्यक कार्वाहीको लागि आजै जिल्ला समन्वय समितिको कार्यालय जनकपुरधाम धनुषामा पठाईएको जनाएको छ ।