सिरहामा मोटरसाइकल दुर्घटना, एकको ज्यान गयो

बिनय यादव |
सिरहा, २४ बैशाख । सिरहामा मोटरसाइकलको ठक्करबाट एक जनाको ज्यान गएको छ ।

पुर्व-पश्चिम लोकमार्ग अन्तर्गत मिर्चैया नगरपालिका १ मल्हनियामा सोमबार बिहान करिब १० बजे पुर्वबाट पश्चिम जाँदै गरेको बा. १६ प. ५८७८ नम्बरको मोटरसाइकलले विपरीत दिशाबाट आउँदै गरेको ज. ७ प ५७२ नम्बरको मोटरसाइकललाई ठक्कर दिँदा कर्जन्हा नगरपालिका ६ का पप्पु कुमार साहको मृत्यु भएको हो ।

साहलाई स्थानीय स्तरमा उपचार सम्भव नदेखिएपछि उपचारको लागि बिराटनगर लैजाने क्रममा बाटोमै मृत्यु भएको ईलाका प्रहरी कार्यालय मिर्चैयाले जनाको छ ।

यता, ठक्कर दिने मोटरसाइकल र चालक धनकुटा क्षत्रेजोरापाती नगरपालिका-२ का ४५ वर्षीय दिलबहादुर मगरलाई नियन्त्रणमा राखिएको ईलाका प्रहरी कार्यालय मिर्चैयाका प्रहरी नायब उपरीक्षक गजुसिद्धी बज्राचार्यले बताउनुभयो ।