मधेस र दाईजो : धनुषामा यादवले गरे आदर्श विवाह

विनय कुमार यादव ||
जनकपुरधाम, २४ बैशाख । मधेसमा दाईजो प्रथा जस्ता कुरुतिमा वृद्धि हुँदै जाँदा धनुषामा एक जोडीले आदर्श विवाह गरेका छन् ।

धनुषाको धनुषाधाम नगरपालिका वडा नं. ५ बस्ने श्री यादवको २४ वर्षिय राम पुकार यादव र जनकपुर उपमहानगरपालिका वडा नं. १८ महुवा बस्ने बद्री यादवकी छोरी वर्ष २१ की लक्ष्मी यादवबीच आदर्श विवाह सम्पन्न भएको छ ।

तराई मधेसमा दाईजोका विगविगी चलिहरेको बेला दुई परिवार वीचको सहमतिमा राम पुकार र लक्ष्मीबीच विना दाईजोको आदर्श विवाह गरिएको हो ।

दाईजोकै निहुँमा दिनहुँ हत्या, हिँसा जस्ता अपराधिक क्रियाकलापहरु बढीरहेको बेला दुई परिवारबीच आदर्श विवाहको लागि सहमति भएपछि छिमेकीहरुले भोजभतेर वा अन्य विधि विधानमा समेत सक्रियता देखाएनन् ।

समाजको ती कुरुति र रिवाजलाई चिर्दै यादवले विना दाईजोको सवा रुपैयाँ सहित आदर्श विवाह सम्पन्न गरेका छन् ।

बेहुली पक्ष आर्थिक रुपले सम्पन्न भएपनि बेहुला पक्षले विना दाईजोको आदर्श विवाह गर्ने साहस देखाएपछि आदर्श विवाह सम्पन्न भएको हो ।

धनुषामा यसरी विना दाईजोको आदर्श विवाह गरिँदा दाईजो लिनेहरुलाई कडा जवाफ मिलेको छ ।

उनीहरुको आदर्श विवाहलाई समाजसेवी , बुद्धिजीवीहरुले साकारात्मक लिएका छन ।