नक्कली मोबिलसहित दुई जना पक्राउ 

न्यूज ब्यूरो, जनकपुरधाम । जनकपुरधामको नैना अस्पतालले आठ सय ग्रामको बच्चासहित गर्भवती आमा जोगाउन सफल भएको छ । 

धनुषाको औरही गाउँपालिका वडा नम्बर ३ कपटौलकी २६ वर्षीया निर्माला कुमारी मण्डलले आठ सय ग्रामको बच्चा जन्माएकी थिइन् । नैना अस्पतालको चिकित्सक टिमले गर्भवती निर्मालालाई शल्यक्रिया गरी सकुशल उपचार गरेका हुन् ।निर्मालाको गर्भमा बच्चाको सात महिना मात्रै पुरा भएको थियो ।

फागुण १८ गते भर्ना भएकी उनको गर्भबाट दश दिनपछि  बच्चा जन्मेका थिए । जटिल अवस्थामा रहेको बच्चालाई ४४ दिन आइसीयुमा राखेर उपचार गरेका थिए । बच्चाको स्वास्थ्य अवस्था ठिक देखिएपछि उनीहरुलाई विहिवार डिस्चार्ज गरिएको छ । विपन्न रहेका निर्मालालाई अस्पतालले सुलभ सेवा दिएका छन् ।

 ५५ दिन अस्पतालमा भर्ना रहेकी उनीमाथि करिव चार लाख रुपैया बिल भएको थियो । तर, अस्पताल प्रशासनले निर्मालाको परिवारिक अवस्थालाई मध्य नजर गर्दै मात्र एक लाख रुपैयाँ लिएर डिस्चार्ज गरेको निर्मालाले बताइन् । 

जनकपुरधाममा पैसा अभावमा विरामीलाई बन्धक बनाइरहेको अवस्थामा नैना अस्पताले छुट गरेपछि निर्मालाले खुशी व्यक्त गरेकी छन् ।   निर्मालाको उपचार डा. बृजमोहन रजक र बच्चाको उपचारमा डा. रोसन दिक्षितले गरेका थिए ।