शहिदनगर विसरभोरामा फोरमका दर्जनौ कार्यकर्ता माओवादीमा

न्यूज ब्यूरो ||
जनकपुरधाम, १५ बैशाख । धनुषाको शहिदनगर नगरपालिकामा विभिन्न पार्टी परित्याग गरी दर्जनौ कार्यकर्ता माओवादीमा प्रवेश गरेका छन् ।

शहिदनगर नगरपालिका वडा नं. ८ विसरभोरामा आयोजित पार्टी प्रवेश कार्यक्रमबाट फोरम पार्टी परित्या गरी मात्र दर्जनौ कार्यकर्ताहरु नेकपा माओवादी केन्द्रमा प्रवेश गरेका हुन् ।

माओवादी केन्द्रका केन्द्रीय सदस्य नेता श्रवण कुमार बरबरियाको प्रमुख आतिथ्यमा सम्पन्न पार्टी प्रवेश कार्यक्रममा सयौँ कार्यकर्ताहरु पार्टी प्रवेश गरेको जनाइएको छ ।

नेपाली काँग्रेस, एमाले र फोरम पार्टी परित्याग गरी उनीहरु माओवादी केन्द्रमा प्रवेश गरेको जनाइएको छ ।

नगरपालिकाका मेयर उदय कुमार बरबरिया, वडा नं. ८ का वडाध्यक्ष तनुकलाल यादव, जैसी भिन्भार , रामदेव मरिकको विशेष आतिथ्यमा सम्पन्न पार्टी प्रवेश कार्यक्रममा स्थानीय जमिर मोल्वी लगायत मुस्लिम समुदायबाटै दर्जनौ जना परिवारसहित पार्टी प्रवेश गरेको जनाइएको छ ।

एक्सन म्यान मेयर भनेर चिनिएको मुलुककै कान्छो मेयर उदय कुमार बरबरियाप्रति क्रेज बढदै गएपछि विभिन्न पार्टी परित्याग गरी युवा, वयश्यकहरु माओवादी केन्द्रमा प्रवेश गरेका हुन् ।

नव प्रवेशिकाहरुलाई नेता श्रवण कुमार बरबरियाले माला र अबिर लगाउँदै पार्टी प्रवेश गराउँदै स्वागत समेत गरेका थिए ।