सिरहामा कलभर्टको पाइपमुनी जिउँदै नवजात शिशु फेला

न्यूज ब्यूरो, सिरहा । सिरहामा आज (विहिबार) बिहानै कलभर्टको पाइपमुनी सालनालसहितको नवजात शिशु फेला परेको हो ।

सिरहा जिल्लाको बरियारपट्टी गाँउपालिका वडा नम्बर ३ स्थित सालनालसहितको नवजात शिशु फेला परेको हो ।

बरियारपट्टी बजार भन्दा ३०० मिटर पश्चिम र दक्षीणमा आज विहान सालनाल सहित छोरा शिशु भेटिएको हो । स्थानिय अधिकलाल यादबले खेत गएको वेला बच्चा रोएको अबाज सुनेपछि कपडामा राखिएको अवस्थामा उक्त बच्चा भेटिएको हो ।

बच्चा भेटिएपछि स्थानियले ईलाका प्रहरी कार्यालय बरियापट्टीमा खबर गरे प्रहरी टोली घटना स्थलमा पुगी उक्त नवजात शिशुलाई स्वास्थ्य चौकी बरियारपट्टीमा राखिएको छ ।

शिशु छोरा रहेको २.८ किलोका रहेको छ र स्वास्थ्य अवस्था राम्रो रहेको ईलाका प्रहरी कार्यालय बरियापट्टीले जनाएको छ ।

उक्त शिशुलाई जिल्ला अस्पताल सिरहामा पठाउने तयारी भई रहेको प्रहरीले जनाएको छ । स्थानियका अनुसार उक्त बच्चा अबैध सम्वन्धबाट भएकोले लोकलाजका कारण फालिएको हो ।