पासमानका अभिभावक बन्दै छोरी विदाई गरे समाजसेवी साह

न्यूज ब्यूरो ||
जनकपुरधाम, ११ बैशाख । जनकपुर उपमहानगरपालिका वडा नम्बर २० देवपुरास्थित गरिव असहाय मंचको अगुवाईमा एक गरिव परिवारका छोरीको धुमधामका साथ विवाह सम्पन्न भएको छ ।

मंचका संयोजक समेत रहेका समाजसेवी बैधनाथ साहको नेतृत्वमा बैदेशिक रोजगारको क्रममा साउदीमा गाडी दुर्घटनामा परि गम्भिर घाइते भई उपचाररत रहेका धर्मनाथ पासमानको घरको अवस्था निकै नाजुक रहेकाले आफनो व्यक्तिगत सहयोगको साथै चन्दा संकलन गरि पासमान परिवारमा धुमधामका साथ विवाह सम्पन्न भएको हो ।

घरको आर्थिक अवस्था निकै कमजोर भएकाले गर्दा छोरीको विवाह कसरी गर्ने भन्ने चिन्ताले पिरोलि रहेको बेला समाजसेवी साहले गरेको सहयोगप्रति देवपुराबासि खुशीले गदगद हुदै धन्यवाद ज्ञापन गरेका छन ।

रानीरतवारा बस्ने चन्द्र पासमानका छोरा गोविन्द पासमानसंग १० गते राति हिन्दु परम्पराअनुसार विवाह सम्पन्न गरि ११ गते सोमवार जयन्तीसहित छोरी र ज्वाइँलाई विदाई गरिएको छ ।

घरमुली नै बैदेशिक रोजगारको क्रममा दुर्घटनामा परि थप आर्थिक क्षति भएका बेला अभिभावकत्व गुमाएका पासमान परिवारको सहारा बन्दै समाजसेवी साहले छोरीको विवाहमा सहभागि मात्रै नभएर एउटा वुवाले घरमा बहनगर्नु पर्ने अभिभावकत्वको भुमिका निर्वाह गर्दै विवाहमा लाग्ने खर्चको सम्पूर्ण बन्दोवस्त गरेका छन ।

विवाहमा आएका जयन्तीलाई राम्रो खानाको व्यवस्थापन गर्नुको साथै छोरीको विदाई गर्दा मिथिला परम्पराअनुसार कोसेलीको रुपमा पलङ, दराजसहितको फर्निचर समेत दान गरेका छन ।

विवाहको लागि समाजसेवी साहले १ लाख ५० हजारको बन्दोवस्त गरि सहयोग गरेका छन ।

यसअघि पनि २०७४ सालमा जनकपुर उपमहानगरपालिका वाडा नं. ७ बेला बस्ने अपाङ राजकुमार साहको छोरीको विवाहमा समेत सहयोग गरेका समाजसेवी साहले छोरी बचाउ अभियानअन्तर्गत सहयोग गरेको बताएका छन ।