धनुषामा रोकी राखेको बसमा आगलगि, बाडी जलेर ध्वस्त

विनय कुमार यादव ||
जनकपुरधाम, १० बैशाख । धनुषाको धनुषाधाममा रोकी राखेको बसमा अचानक आगलगि हुँदा बसको बाडी जलेर ध्वस्त भएको छ ।

जनकपुरदेखि धनुषाधामसम्म चल्ने ना २ ख ८१४ नम्बरको बस धनुषाधाम वन कार्यालय अगाडी रोकि राखेको अवस्थामा केही बेर अगाडी अर्थात् करिब ४ :३० बजे आगलगि हुँदा बसको बाडी पूर्ण रुपमा जलेर ध्वस्त भएका हुन् ।

बसमा अचानक आगलगि भएपछि स्थानीयहरुले नजिकै रहेको नेपाल प्रहरी, शसस्त्र प्रहरी सहित केही मिटरकै दुरीमा रहेको नगरपालिका कार्यालयलाई जनाएपछि तुरुन्तै चौतर्फी सहयोगको लागि पुगेको हो ।

नगरपालिका कार्यालयका बारुण यन्त्रले निभाउने प्रयास जारी राखेका छन् भने केही मिनटमै आगो पूर्णत नियन्त्रणमा आएको तथा बाडी जले पनि बसको ईन्जिन भने बचाउन सफल भएको हो ।

आगो कसरी लागेको बारे यकिन हुन सकेको छैन भने गर्मीको मौसमको भएकोले ब्याट्री सर्ट सर्कीट भएर आगो लागेको हुन सक्ने अनुमान गरिएको छ ।