प्रदेश प्रमुख कायश्थ र राजदुत पुरीबीच रेल्वे निर्माण बारे चर्चा

ब्रम्हानन्द ठाकुर ||
जनकपुरधाम, ९ बैशाख । भारतको सहयोगमा निर्माण भइरहेको जयनगर जनकपुर बर्दिवास रेल्वेको बारेमा चर्चा गरिएको छ ।

प्रदेश नं. २ का प्रदेश प्रमुख रत्नेश्वर लाल कायश्थ र भारतीय राजदुत मञ्जित सिँह पुरीबीच भएको शिष्टाचार भेटवार्ताको क्रममा तिव्र गतिमा निर्माण भईरहेको नेपाल भारत रेल्वेको बारेमा चासो देखाएको जनाइएको छ ।

प्रदेश प्रमुखको कार्यालयमा भएको सो भेटवार्तामा दुई देश बिचको आपसी सम्बन्ध तथा समसामायिक बिषयमा कुराकानी भएको छ ।

भेटका क्रममा प्रदेश नं. २ मा भारतको सहयोगमा भईरहेको भारत–अमलेखगँज पाइप लाईन, रेल्वे निमार्ण जस्ता विकासका कार्यहरुबारे राजदुत पुरीले प्रमुख कायस्थलाई जानकारी गराएका थिए ।

आउँदो असोजसम्म रेल्वेको निर्माण कार्य पुरा हुने विश्वास लिइएको छ ।