मधेश प्रदेशः हिन्दु सम्राटको शोभायात्रामा पत्थरबाजी, कैयौँ घाईते !

न्यूज ब्यूरो, जलेश्वर । मधेश प्रदेशको महोत्तरीमा हिन्दु समुदायले निकालेको शोभायात्राको क्रममा ढुँगामुढा भएपछि झडप हुँदा दर्जनौ जना घाईते भएका छन् ।

महोत्तरी जिल्लाको भँगहा नगरपालिका वडा नम्बर ८ पररियास्थित हिन्दु सम्राट सेनाले निकालेको शोभायात्राको क्रममा झडप भएको जिल्ला प्रहरी कार्यालय महोत्तरीले जनाएको छ ।

त्यहाँस्थित हिन्दु सम्राट सेनाको शोभायात्रामा मुस्लिम समुदायको केही व्यक्तिले घरको छतबाट ढुँगामुढा गरेपछि दुई समुदायबीच झडप भएको बताइएको छ ।

ढुँगामुढाबाट शोभायात्रामा सरिक भएका हिन्दु सम्राट सेनासहित मुस्लिम समुदायका केही व्यक्तिहरु घाईते भएका छन् । सो क्रममा प्रहरी समेत घाईते भएको जिल्ला प्रहरी कार्यालय महोत्तरीका प्रहरी प्रमुख कृष्ण पँगेनीले जानकारी दिए ।

विहिबार दिउँसो हिन्दु सम्राट सेनाले निकालेको शोभायात्राको क्रममा मुस्लिम समुदायको घर परेपछि मुस्लिम समुदायका केही व्यक्तिहरुले घरको छतबाट ढुँगामुढा गरेपछि दुई समुदायबीच झडप भएको प्रहरीले जनाएको छ ।

प्रहरीको लाठीचार्जबाट मुस्लिम समुदायका वृद्धहरुलाई समेत चोट लागेको छ । मोटरसाईकलमा समेत आगजनी गरिएको दृश्यहरु देखिएको प्रहरीले जनाएको छ ।

हिन्दु सम्राट सेनाको शोभायात्राको लागि निकालिएको सवारीमाथि ढुँगामुढा र तोडफोड गरेपछि दुईतर्फी झडप भएको बुझिएको छ । समयमै पुगेको प्रहरीले दर्जनौँ राउण्ड आश्रुग्यास प्रहार गरी स्थिति नियन्त्रणमा लिएको एसपी पँगेनीले जानकारी दिए ।

हिन्दु सम्राट सेनाको शोभायात्राको यात्रा मुस्लिम बस्तीमा पुगेपछि घरको छतबाट ढुंगामुढा गरेपछि झडप सुरु भएको थियो ।

सुरुमा हिन्दु सम्राट सेनाको शोभायात्राको रयाली मुस्लिम समुदायको वस्तीमा पसेर उनीहरुको घर अगाडी जिस्काउने खाले गतिविधि गरेको देखिएको छ । छेउमा प्रहरी समेत मोटो सँख्यामा परिचालन गरिएको भिडियोमा देखिएको छ ।

एक क्षणपछि नै माथिबाट पत्थरबाजी हुँदै शोभायात्रा नजिक रहेका दुवै समुदायले हानाहान गरेको देखिएको छ । प्रहरीले शान्त पार्न लाठी चार्ज गरेको देख्न सकिन्छ ।

सो क्रममा मुस्लिम समुदायको केही घरमा पसेर सवारी साधनमा आगजनी गरिएको छ भने मस्जिदमा समेत तोडफोड, ढुँगामुढा गरिएको भिडियोमा देखिएको छ । मुस्लिम समुदायको घर पसेर केही उच्छृँगल गतिविधि गर्नेहरुले आक्रमण गरेको बुझिएको छ ।

मुस्लिम समुदायका केही उच्छृँगल व्यक्तिले त्यस्तो गरी दुई समुदायबीच झडप गराएको आरोप मुस्लिम समुदायका अगुवाहरुले लगाएका छन् । उनीहरुले दुई समुदायबीचको भाईचारालाई ब्रेक गरी राजनीतिक मुद्दा बनाउन यस्तो गरेको हुन सक्ने अनुमान गरिएको छ ।

यता, सो घटनापछि मोटो सँख्यामा प्रहरी परिचालन गरिएको छ । अहिले त्यहाँको अवस्था तनावग्रस्त नै रहेको छ ।