धनुषा प्रहरीद्धारा ७० कार्टनु रक्सी पक्राउ

न्यूज ब्यूरो, जनकपुरधाम । नेपालबाट भारततर्फ लैजाँदै गरेको ७० कार्टनु रक्सी (दारु) प्रहरीले पक्राउ गरेको छ ।

जिल्ला प्रहरी कार्यालय धनुषा मातहतको ईलाका प्रहरी कार्यालय खजुरीबाट खटि गएको टोलीले विहिबार बुधबार कमला नदीबाट ७० कार्टुन रक्सी बरामद गरेको हो ।

ईलाका प्रहरी कार्यालय खजुरीका प्रहरी नीरिक्षक निरञ्जन घिमिरेको नेतृत्वका गएको गस्ती टोलीले धनुषाको जनकनन्दिनी गाउँपालिका वडा नम्बर १ इनरबाबाट सो परिमाणको रक्सी बरामद गरेको हो ।

गस्तीको क्रममा कमला नदीको छेउ भएर टाउको बोकी भारततर्फ लैजाँदै गरेको ७० कार्टुन सोफी नामक रक्सी बरामद गरेको हो । प्रहरीको गस्ती टोलीलाई देखेपछि रक्सी फालेर भागेको थियो ।

ईलाका प्रहरी कार्यालय खजुरीका अनुसार, टाउको बाकेर भारतर्फ लैजाँदै गर्दा प्रहरीले लखेटेपछि उनीहरु भागेको थियो । उनीहरु भारततर्फ नै भागेको जिल्ला प्रहरी कार्यालय धनुषाले जनाएको छ ।

यस्तै, ईलाका प्रहरी कार्यालय खजुरीकै टोलीले धनुषाको विदेह नगरपालिकाको वडा नम्बर १ ठाडीबाट पौने २ लाख रुपैयाँ बराबरको रक्सी बरामद गरेको हो ।

त्यहाँस्थित ज. ३ प. २८१४ नम्बरको युनिकन मोटरसाईकल र नम्बर नखुलेको पलाटिना मोटरसाईकलमा अबैध रुपमा चोरी निकासी गरी गौरव नामक सफि मदिरा नेपालबाट भारत तर्फ लादै गरेको अवस्थामा पक्राउ गर्न सफल भएको हो ।

प्रहरी ईन्सपेक्टर घिमिरेको नेतृत्वको खटि गएको गस्ती टोलीलाई देखेपछि तस्करहरुले मदिरा फालेर भागेको थियो । बरामद भएको रक्सीलाई आवश्यक कारवाहीको लािग भन्सार कार्यालय जनकपुर पठाएको हो ।