धनुषाको निर्वाचन क्षेत्र नं. २ मा गठबन्धन फेल, रामचन्द्र झासहित यी चार उम्मेदवार भिडदै
चारै उम्मेदवारहरूले धनुषाको विदेह नगरपालिकास्थित निर्वाचन अधिकृतको कार्यालयमा उम्मेदवारी मनोनयन गराउने भएका छन् । अरगरिया उक्त क्षेत्रका निवर्तमान सांसद हुन् ।
२०७९ असोज २३ आइतबार, दिउँसो १:१९ बजे१ मिनेट पढाइ
न्यूज ब्यूरो, जनकपुरधाम । आगामी मँसिर ४ गते हुन लागेको प्रतिनीधिसभा तथा प्रदेशसभा निर्वाचनको लागि प्रत्यक्षतर्फ मनोयन दर्ताको अन्तिम समयसम्म गठबन्धनले धनुषा निर्वाचन क्षेत्र नम्बर २ मा तालमेल गर्न सकेनन् ।
अन्तिम समयसम्म समेत गठबन्धनले तालमेल गर्न नसकेपछि धनुषा निर्वाचन क्षेत्र नम्बर २ मा प्रतिनिधिसभाका लागि चार राजनीतिक दलका उम्मेदवारहरूबीच प्रतिस्पर्धा हुने भएको छ।
सत्ता गठबन्धन तथा प्रतिपक्षी गठबन्धनबीच तालमेल हुन नसक्दा नेपाली कांग्रेस, नेकपा एकीकृत समाजवादी, नेकपा एमाले र जनता समाजवादी पार्टीबीच चौपक्षीय प्रतिस्पर्धा हुने भएको हो ।
नेपाली कांग्रेसबाट पूर्वमन्त्री रामकृष्ण यादव, नेकपा एसबाट पूर्वमन्त्री रामचन्द्र झा, नेकपा एमालेबाट पूर्वमन्त्री उमाशंकर अरगरिया र जसपाबाट गंगाराम यादवबीच प्रतिस्पर्धा हुनेछ ।
चारै उम्मेदवारहरूले धनुषाको विदेह नगरपालिकास्थित निर्वाचन अधिकृतको कार्यालयमा उम्मेदवारी मनोनयन गराउने भएका छन् । अरगरिया उक्त क्षेत्रका निवर्तमान सांसद हुन् ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…