१४ लाख बराबरको सैफ्टी टैँक र ट्रयाक्टर पक्राउ

न्यूज ब्यूरो, जनकपुरधाम । भारतबाट नयाँ बनाएर ल्याउँदै गर्दा १४ लाख बराबरको सेफ्टी टैँक र ट्रयाक्टर बरामद गरेको छ ।

जिल्ला प्रहरी कार्यालय धनुषा मातहतको ईलाका प्रहरी कार्यालय खजुरीबाट खटि गएको टोलीले धनुषाको जनकनन्दिनी गाउँपालिका वडा नम्बर १ इनरबाटस्थितबाट नयाँ बनाएर ल्याउँदै गरेको सेफ्टी टैँक र जोडिएको ट्रयाक्टरसहित कुल १४ लाख रुपैयाँ बराबरको समान बरामद गरेको हो ।

सोमबार अपरान्ह करिब ४ बजेको समयमा भारतबाट नयाँ सैफ्टी टैँक ल्याउँदै गर्दा प्रदेश २–०२–००१ त ०६७० नम्बरको ट्रायक्टरमा जोडी ल्याई रहेको अवस्थामा प्रहरी गस्ती टोलीले बरामद गरेको हो ।

गस्ती टोलीलाई देखि ट्रायक्टर चालक भागी भारत तर्फ फरार भएको छ भने सैफ्टी टैँक र ट्रयाक्टरलाई भन्सार छली गरेको भन्दै आवश्यक कारवाहीको लागि भन्सार कार्यालय जनकपुरमा बुझाएको हो ।