महन्थ ठाकुरलाई आईसियूबाट क्याबिनमा शिफ्ट

न्यूज ब्यूरो ||
जनकपुरधाम, ४ बैशाख । राष्ट्रिय जनता पार्टी नेपालका सँयोजक महन्थ ठाकुरलाई आईसियूबाट क्याबिनमा शिफ्ट गरिएको छ ।

ठाकुरलाई स्वास्थ्य जाँचका क्रममा मुटुको धमनीमा समस्या देखिएपछि शुक्रबारदेखि भारत स्थित मेदान्ता अस्पतालमा सघन उपचार कक्षमा राखिएको थियो ।

उनी संगै रहेकी राजपा नेतृ चन्दा चोधरीले पनि उनको स्वास्थ्यमा निकै सुधार आएपछि आईसियूबाट क्याबिनमा शिफ्ट गरिएको बताइन् ।

उपचारमा लागेका डा. कस्लीवाल सहित ४ जना डाक्टरहरुको समुहले समेत ठाकुरको स्वास्थ्यमा निकै सुधार आएको बताएका छन् ।

भारतको गुड्गाँउ स्थित रहेको अस्पतालका डा. आरआर कस्लीवालका अनुसार उनको स्वास्थ्य स्थितीमा सुधार आएपछि उनलाई आज बिहानबाट क्याबिनमा सिप्ट गरिएको छ ।

उनले बताए अनुसार आईसियूमा भर्ना गरि उनको उपचार हुँदै आएको थियो ।

गत चैत्त २७ गतेदेखि अस्पताल भर्ना भएका सँयोजक ठाकुरको स्वास्थ्य अवस्था निकै सामान्य बनेपछि आजै बिहानदेखि सघन उपचार कक्षबाट सामान्य वार्डमा सारिएको हो ।