५० किलो चाँदीको धनुष लिएर रामजन्मभूमि अयोध्या जाँदै नेता नीधि

न्यूज ब्यूरो, जनकपुरधाम । नेपाली कांग्रेसका दिग्गज नेता मानिएका विमलेन्द्र निधिले ५० किलो चाँदीको धनुष भारतको अयोध्यामा राख्न थालेका छन् ।

अयोध्यामा निर्माणाधीन राममन्दिरमा नेता निधिले ५० किलो चाँदीको धनुषा राख्ने चाँजोपाँजो मिलाउन बिहीबार त्यस तर्फ जान थालेका छन् ।

जानकी मन्दिरका महन्थ रामतपेश्वर दास वैष्णव, रोशन दास वैष्णव लगायत निधि परिवार र काठमाण्डुका केही व्यवसायीहरु समेतको टोली अयोध्या जान लागेको बताइएको छ ।

स्थानीय बजारमा बुधबार प्रति किलो चाँदीको मूल्य १ लाख १६ हजार ५ सय रहेको छ । त्यस अनुसार ५० किलो चाँदीको मूल्य ५८ लाख २५ हजार र बनाउन लाग्ने मजदूरी समेत ६० लाख पर्ने बताइएको छ ।

विभिन्न दलहरुसहित आफ्नै दलभित्र अन्तरघातको शिकार भई चुनावमा पराजीत भएका नेता नीधिले भगवान रामप्रति आस्था देखाएका छन्। राममन्दिरमा आफ्ना नाम राख्नेगरी धनुषाका लागि एउटा कक्ष मिलाउन जानकी मन्दिरका महन्थसँग समन्वय गरिएको बताइएको छ ।

अयोध्यामा बास र अन्य व्यवस्थापन नेता निधि नेतृत्वको टोलीका लागि जानकी मन्दिरका महन्थ रामतपेश्वर दासले गरेका छन् ।

गत चुनावमा काँग्रेसभित्रै अन्तरघात भएपनि यसपालीको स्थानीय तहको चुनावमा अन्तरघात नहुँदा काँग्रेसले जनता समाजवादी पार्टी (जसपा) लाई फाल्न सफल भएको छ ।

धनुषा निर्वाचन क्षेत्र नम्बर ३ मा जसपालाई अपाँग बनाएर काँग्रेसको बर्चश्व बनाएका नेता नीधिले यसपाली पनि प्रतिनीधसभा चुनावमा उम्मेदवारी दिने लगभग पक्कापक्की छ ।

तराई मधेश क्षेत्रबाट विमलेन्द्र नीधि नेपाली काँग्रेसको सबभन्दा बलियो नेताको रुपमा चिनिन्छन् । पार्टीमा दुई खेमा भएपछि अन्तरघातले उनी पछारिएको बुझिएको छ ।