मोदीसँग बिहे गर्दै बलिवुड अभिनेत्री सुस्मिता सेन

न्यूज ब्यूरो, जनकपुरधाम । पूर्व मिस युनिभर्स र बलिवुड अभिनेत्री सुस्मिता सेन उमेर ढलेपछि बिहे गर्न लागेकी हुन् ।

भारतीय बिजनेम्यान भनिएको ललित मोदीसँग सुस्मिता सेन छिट्टै विवाह गर्ने संकेत भेटिएको छ । सुष्मिताको नीजि जीवन पनि कम फिल्मी रहेन ।

१८ वर्षको उमेरमा मिस इन्डिया र १९ वर्षको उमेरमा मिस युनिभर्स बनेकी सुष्मिता आफ्नो पहिलो फिल्मदेखि नै अफेयरका लागि चर्चामा आइन् ।

सुस्मिताको डेब्यु फिल्म दस्तकका लेखक विक्रम भट्ट हुन् । यी दुवैको नाम असाध्यै जोडियो र वर्षौंसम्म हेडलाइनमा रह्यो । सन् १९९६ मा सुरु भएको सम्बन्धको यो शृङ्खला सन् २०२१ मा रोहमन शालसँग ब्रेकअप हुञ्जेलसम्म जारी रह्यो ।

सुष्मिता आफ्नो फिल्मभन्दा पनि आफ्नो व्यक्तिगत जीवनका कारण चर्चामा रहिन् । उनले विवाहको प्रश्नलाई खासै वास्ता गरिनन् तर दुई छोरीलाई धर्मपुत्री बनाएर उनीहरुको जिम्मेवारी लिँदा उनको असाध्यै चर्चा भयो ।

सुष्मिता हालै आफ्नो पछिल्लो सम्बन्धमा रहेका बेला उनका जीवनका केही थाहा नभएका पाटोबारे जानकारी लिऔँ ।

हैदरावादको बंगाली परिवारमा जन्मिएका बुबा वायुसेनामा थिए

सुष्मिताको जन्म १९ नोभेम्बर सन् १९७५ मा बंगाली बैद्य परिवारमा भएको थियो ।

हैदराबादमा जन्मेकी सुष्मिताका बुबा सुवीर सेन भारतीय वायुसेनामा विङ कमाण्डर थिए भने आमा शुभ्रा सेन गहनाका डिजाइनर थिइन् । प्रारम्भिक शिक्षा हैदराबादमा नै भएको थियो ।

त्यसपछि एयरफोर्स गोल्ड जुबली इन्स्टिच्युट, नयाँ दिल्लीबाट स्नातक गरिन् । यही क्रममा सुस्मिता मोडलिङमा जोडिन पुगिन् ।