कटुवालको कडाईः आलु बोरामा लुकाएर नेपाल ल्याउँदै गर्दा ८३ लाख बढी रुपैयाँ बरामद

न्यूज ब्यूरो, जनकपुरधाम । मधेश प्रदेशको धनुषा जिल्लास्थित सशस्त्र प्रहरीले ८३ लाख बढी नगद रुपैयाँ बरामद गर्न सफल भएको छ ।

धनुषा जिल्लाको बिओपी ईनरबाको सशस्त्र प्रहरीले आलुमा लुकाएर भारतबाट नेपाल तर्फ ल्याउँदै गर्दा ८३ लाख बढी नगद बरामद गर्न सफल भएको हो ।

मँगलबार करि १ः३० बजेको समयमा छिमेकी मुलुक भारतबाट नेपाल तर्फ आलुको बारेमा लुकाई छिपाई ल्याउँदै गरेको ८३ लाख ६४ हजार ५०० रुपैयाँ नेपाली बरामद गरेको हो ।

आलुको बोरा कोचेर राखिएको सो नगद रुपैयाँ नेपाल छिराउन खोज्दा ईनरबास्थित रहेको बिओपीको चेकप्वान्टमा शँका लागेर चेकजाँच गर्दा सो रकम बरामद भएको बिओपी ईन्चार्ज एवम् डिएसपीमा सिफारिस भएका शम्भु कटुवालले जानकारी दिए ।

कटुवालकै कमाण्डमा खटेको टोलीले चेकप्वाइन्ट शँका लागेर आलुको बोरा चेकजाँच गर्दा सो रकम बरामद भएको हो ।

भारतको जयनगरबाट ईनरबा छिरेका धनुषाको जनकनन्दिनी गाउँपालिका वडा नम्बर ५ उदहा बस्ने बर्ष ३६ को ईश्वर मण्डलले आलुको बोरामा लुकाएको ८३ लाख बढी नगद रुपैयाँ तत्कालै बरामद गरी मुचुल्का गरिएको हो ।

मण्डलले लुकाएर ल्याएको सो रकमको श्रोत मागेपछि उनले श्रोत नदेखाउँदा रकम नियन्त्रणमा लिएर आवश्यक कारवाहीको लागि राजस्व कार्यालय जनकपुर पठाएको डिएसपी कटुवालले थपे ।

मण्डलले ज ७ प ५००७ नम्बरको मोटरसाईकलको पछाडी राखेको आलुको बोरामा सो रकम लुकाएका थिए । उनलाई समेत नियन्त्रणमा लिएर आवश्यक कारवाहीको लागि नेपाल प्रहरीलाई जिम्मा लगाएको जनाईएको छ ।

ईन्सपेक्टरबाट केही दिन अघि मात्र डिएसपीमा बढुवा सिफारिस भएका कटुवालले ईनरबा नाकामा कडाई र थप निगरानी गरेपछि लगातार तस्करीका समानहरु समेत बरामद गर्न थालिएको छ ।