तेस्रो दर्जाका गायक सन्नु कुमार खँगको तेस्रो गीत पनि डिलिट, हालात पञ्चर

न्यूज ब्यूरो, जनकपुरधाम । आफूलाई आफैँले मेगा स्टार घोषणा गरेका स्वघोषित तेस्रो दर्जाका गायक सन्नु कुमार खँगको हालात अहिले पञ्चर भएको छ ।

अश्लिल गीतकै माध्यमले भाईरल हुन खोजेका तेस्रो दर्जाका गायक सन्नु कुमार खँगको गीतहरु डिलिट हुने क्रम जारी छ । ९९ प्रतिशत गीतमा चोरीको म्यूजिक राखेपछि अरिजिनल मालिकहरुले उनको च्यानलमा स्ट्राईक गर्ने क्रम जारी राखेको छ ।

उनको दुईवटा गीत युटुबले शनिबारसम्म डिलिट गरिदिएको छ भने पुनः अर्को गीत पनि युटुबले डिलिट गरिदिएको छ । अधिक पटक हेरिएको उनको गीत नै च्यानलबाट डिलिट हुन थालेपछि उनको च्यानल समेत खतरामा परेको छ ।

निन्तर अश्लिल गीत लेख्ने कौशल झाको समेत हालात पञ्चर भएको छ । शनिबार राती फेसबुक लाईभ आएर उनले सार्वजनिक रुपमा धम्की समेत दिन भ्याए । सन्नु कुमार खँगले गाउने अधिकाँश बढी अश्लिल गीत कौशल झा नै लेख्दै आएका छन् ।

आफूलाई मैथिली भाषाको उजागरकर्ता घोषणा गरेका स्वघोषित गीतकार कौशल झाले सन्नु कुमार मिथिला मधेशको सँस्कृतिलाई अगाडी बढाएको भनेर पनि दाबी गर्न भ्याए । उनको 'तोहर कमी गे पगली' बोलको गीत डिलिट भएको स्वीकार कौशल झाले लाईभ भिडियोमा गरेका छन् ।

मिथिला र मधेशको सँस्कृतिमाथि खडा प्रहार गरेका सन्नु कुमार खँग र गीत लेख्ने कौशल झाले मैथिली भाषा जोगाउन आफूहरुको भूमिका ठुलो रहेको पनि लाईभ भिडियोमै बताउन भ्याए ।

सन्नु कुमार खँगले गाउने ९९ प्रतिशत गीतमा हिन्दी गीतको म्यूजिक चोरी गरिएको हुन्छ । चोरी गरिएको म्यूजिकमा अश्लिल, अभद्र शब्दहरु प्रयोग गरी गीत निर्माण गरी समाजिक सँजाल युटुबमा हाल्दै आएका छन् ।

अरुकै म्यूजिक चोरी गरेर चुरिफुरी देखाउँदै आएका सन्नु कुमार खँगको अवस्था एक लाईभ भिडियोमा उनकै समकक्षी कौशल झाले देखाए । मदिरा सेवन गरी तथानाम बोलेका कौशल झाले सो भिडियो केही बेरमै डिलिट पनि गरेको देखिएको छ ।

उनको च्यानलमा रहेको ९९ प्रतिशत गीत हिन्दी गीतबाट चोरी गरिएको म्यूजिकमा रहेको छ । यद्यपी, उनले आफैँले सो चोरीको म्यूजिक भएको गीत डिलिट नगरे उनको च्यानल नै डिलिट हुने प्रबल सम्भावना देखिएको छ ।

आफैँले भिडियोहरु हटाए कापिराईट क्लेमकर्ताले स्ट्राईक हान्न पाउने छैन, जसले उनको च्यानल बच्ने एक मात्र विकल्प रहेको छ । अन्य अश्लिल गीतहरुमा भाषा, सँस्कृति जगेर्नाकर्ताहरुले निरन्तर स्ट्राईक दिने कार्य पनि जारी राखेको बुझिएको छ ।

अश्लिल गीत गाउनेमा मात्र सन्नु कुमार खँग होईन, सिरहाका ज्ञानु यादव, महोत्तरीकी सुमन सोना, धर्मेन्द्र निर्मलिया लगायत दर्जनौ तेस्रो दर्जाका गायकहरु छन् ।