रेल्वे कन्ट्रोल रुममा TikTok बनाउने कर्मचारी कारवाहीमा

न्यूज ब्यूरो, जनकपुरधाम । नेपाल रेल्वे जस्तो संवेदनशिल एक हल्टको कार्यालयमा टिकटकमा नाच्ने एक युवतिले कर्मचारीसँग भिडियो बनाएपछि कारवाहीमा परेका छन् ।

जयनगर–जनकपुर–कुर्था रेल अन्तर्गत धनुषाको वैदेही हल्ट (स्टेशन) मा रेलका कर्मचारी शँकर यादवले टिकटकमा नाच्ने एक टिकटोकरसँग कर्मचारीकै कुर्शीमा बसाएर बनाएको भिडियो सम्बन्धी न्यूज ब्यूरोले समाचार प्रकाशित गरेपछि उनीमाथि कारवाही प्रक्रिया अगाडी बढाइएको छ ।

रेलको कन्ट्रोल रुम जस्तो संवेदनशिल कक्षमा पसेर कर्मचारकिो कुर्शीमा टिकटक भिडियो बनाएको सन्दर्भमा त्यहाँ कार्यरत कर्मचारी यादवलाई स्पष्टिकरण सोधिएको रेल्वेका महाप्रबन्धक निरञ्जन झाले जानकारी दिए ।

उनले कारवाही प्रक्रिया अन्तर्गत किन र केको लागि यस्तो हर्कत गरिएको तथा त्यस हर्कतले कारवाही किन नगर्ने ? भन्दै उनलाई स्पष्टिकरण सोधिएको झाले जानकारी दिएका छन् ।

म्यादी प्रहरीमा हुँदा टिकटोककै कारण म्यादी जागिरबाट हटाइएकी सप्तरीकी एक युवतिले पुनः रेल कर्मचारीसँग उनको आई–कार्ड (परिचय पत्र) लगाएर कर्मचारी बस्ने कुर्शीमै गएर रेलको लीक (कन्ट्रोल रुम) मा गएर टिकटोक भिडियो बनाएपछि न्यूज ब्यूरोले समाचार उठान गरेको थियो ।

रेल आउँने पटरी (लीक) लाई परिवर्तन, नियन्त्रण गर्ने कन्ट्रोल रुम जस्तो अति संवेदनशिल कोठामा गएर टिकटक बनाएपछि रेलका कर्मचारी भनिएको शँकर यादवलाई कारवाही प्रक्रिया अगाडी बढाईएको जिएम झाले न्यूज ब्यूरोसँग भने ।

यसका साथै, उनलाई १५ दिनभित्र स्पष्टिकरण पेश गर्न भनिएको छ । अपेक्षाकृत रुपमा जवाफ नदिएपछि उनलाई जागिरबाटै हटाउन सक्ने बुझिएको छ ।

उनले भने,–“रेलको कन्ट्रोल रुपममा भिडियो बनाउनु नै अक्षम्य रहेको छ, यस्तो गर्न कसैलाई कदापी छुट छैन, समाचारहरु मार्फत जानकारी पाएर उनलाई कारवाहीको लागि स्पष्टिकरण सोधिएको छ तत्काल ।”

विभिन्न ठाउँमा हुने स्टेज कार्यक्रममा नाच्ने सप्तरीकी एक युवतिसँग कर्मचारी यादवले टिकटकमा भिडियो बनाएकी थिईन् । सोही भिडियो न्यूज ब्यूरोले पुनः प्रसारण गरेको थियो ।