धनुषाधाम नगरपालिकाको बजेट ५३ करोड बढी, दिगो विकासका योजनाहरु गाभिए

न्यूज ब्यूरो, जनकपुरधाम । धनुषाधाम नगरपालिकाको दशौं नगर सभाबाट ५३ करोड १३ लाख ६५ हजारको अनुमानित बजेट प्रस्तुत गर्दैै नीति तथा कार्यक्रम सार्वजनिक गरिएको छ ।

सम्पन्न दसौं नगरसभामा नगरपालिकाको नगर उपप्रमुख बिध्या देवि भुजेलले सो वजेट सम्बन्धि नित्ति तथा कार्यक्रम सार्वजनिक गरेका हुन् ।

बजेट सार्वजनिकीकरणपछि बोल्दै नगर प्रमुख बालेश्वर मण्डलले जनताले आफूलाई दोस्रो कार्यकाल मेयर पदको जिम्मेवारी दिएपछि अब दिगो विकासको योजनालाई लागू गर्ने बताए ।

“यस कार्यकालमा मेरो प्रथम नगरसभा हुदा पनि म संग पहिलो कार्यकालको अनुभव छ ,नगरको दिगो विकासको मुल बाटो तर्फ लैजाने हामी पछाडी पर्नबाला छैनौ ।” उनले भने ।

नगरपालिकाको प्रशासनिक भवन नहुदा एतहासिक एवं धरोहर मानिएका धर्मशालामा कार्यालयमा बस्नु बाध्यता रहेको बताउँदै उनले यसपाली नै नगरपालिकाको प्रशासनीक भवन समेत निर्माण हुने बताए ।

धनुषाधाम सौन्दर्यकरण ,धनुष मन्दीर व्यवस्थापन ,शिक्षामा आमूल परिवर्तन ,कृषिमा सुधार ,पशुमा सहजता, आवश्यकता अनुसार शिर्षकहरु सम्पुर्ण जनप्रतिनिधिहरुल्प सल्लाह अनुसार योजना बनाएको बताए ।

नगरपालिकामा सिमित रकम हुन्छ ,हामीले सल्लाह मोताबित शिर्षक बनाएको हो। लोकतन्त्र हो बिरोध गर्नु स्वाभाविक हो तर हामिले दिगो विकास परिकल्पना राखी योजना बनाएका छौँ । केही वडा अध्यक्षहरु बजेट सिलिङ्ग रकम अझै माग गर्न खोजेको छ, वास्तवमा कुन योजना हटाउने न हटाउने वडा अध्यक्षजिहरु सल्लाह गरेर आउनुस भनेको तब पनि जोर जबर्जस्ति बाहिरियो हामी कानुनी समंवत अगाडि बढेको मेयर मण्डलले बताए ।

कार्यक्रममा निमित्त प्रमुख प्रशासकीय अधिकृत संजित प्रसाद दास,लेखापाल प्रशान्तदेव यादव,बुद्धिजीवी ,पत्रकार लगायत कार्यपालिकाका सदस्यहरुको उपस्थित रहेका थिए ।

सो कार्यक्रम प्राथमिक स्वास्थ्य केन्द्र धनुषाधामको सभाहलमा भएको थियो ।