धनुषा प्रहरीद्धारा २०० लिटर अवैद्य मदिरा नष्ट

विनय कुमार यादव ||
जनकपुरधाम, २६ चैत्त । धनुषा प्रहरीले आज भारी मात्रामा अबैद्य मदिरा नष्ट गरेका छन् ।

विभिन्न समयमा धनुषाको नौसय विघा र धनुषाधाम सडकखण्डमा मात्र चेकजाँचको क्रममा नियन्त्रणमा लिइएको २ सय लिटर अबैद्य मदिरा स्थानीयहरुको रोहबरमा नष्ट गरिएको हो ।

धनुषाधाम नगरपालिका अन्तर्गत उमाप्रेमपुर प्रहरी चौकीबाट विभिन्न समयमा खटिगएको प्रहरी टोलीले उक्त मात्राको अबैद्य मदिरा बरामद गरेका थिए ।

आज वडा नं. ५ का वडाध्यक्ष ईन्द्र कुमार महतो, स्थानीय बुद्धिजीवी, स्वाथ्यकर्मी, सँचारकर्मी र युवाहरुको रोहबरमा ती बरामद गरिएको अबैद्य मदिरा नष्ट गरिएको हो ।