धार्मिक स्थलै एक जोडीले रोमान्स गरेपछि युवकलाई रामधुलाई

न्यूज ब्यूरो, जनकपुरधाम । धार्मिक स्थलमा आफ्नो श्रीमतिसँग रोमान्स गरेपछि त्यहाँस्थित रहेको श्रद्धालुहरुले एक युवकलाई रामधुलाई गरेको छ ।

छिमेकी मुलुक भारतको उत्तर प्रदेश (युपी) को अयोध्यामा रामकी पैडी मा स्नान गर्न गएका एक जोडीले सोही स्थानमा आफ्नी श्रीमतिलाई चुम्बन गरेको देखेर अन्य श्रद्धालुहरुले रामधुलाई गरेको छ ।

धार्मिक स्नान स्थलमा श्रीमतिलाई अँगालो हालेर चुम्बन गरेको देखेपछि एक जनाले भिडियो बनाउँदै उनलाई रामधुलाई गरेको हो । सो स्थलमा यीनीहरु दुवै जना आफ्नो रोमान्समा मग्न रहेको बेला अन्य सयौँ दर्शनार्थीहरु त्यहाँ स्नान गरिरहेका थिए ।

रामकी पैडी भनेर चिनिने सो प्रसिद्ध धार्मिक स्थलमा यीनीहरुको हर्कत देखेपछि त्यहाँ रहेका अन्य श्रद्धालुहरुले उनलाई समातेर रामधुलाई गरेको हो । पानीमा नुहाउँदै समयमा उनले आफ्नी श्रीमतिलाई चुम्बन गरिरहेको पाईएको थियो ।

श्रद्धालुहरुका अनुसार रामकी पैडी विश्वप्रसिद्ध धार्मिक स्थलमध्ये एक हुन् । सो स्थलको महत्व अनुसार उनीहरुले गरेको हर्कतको कुनै माफीनामा नहुने पनि बताएका छन् ।

अयोध्याको यो घटनाको भिडियो अहिले समाजिक सँजालमा भाईरल बनेको छ । ती जोडीले पानीमा स्नान गर्ने बेलामै एक आपसमा अँगालो हानेर चुम्बन गरिरेहको दृश्य एक जनाले कैद गरिरहेका थिए ।

भिडियो सो जोडीलाई गाली गलौत समेत दिइएको देखिएको छ । पहिले त उनीहरुलाई अन्य श्रद्धालुहरुले नजरअन्दाज गरिरहेको देखिएको छ तर जब रोमान्स अधिक र आपत्तिजनक हुन थालेपछि पुरुषलाई धुलाई गरेको हो ।

उनको श्रीमति समेत उही ठाउँमा उनलाई बचाउन खोजिएको देखिएको छ । सो स्थल विशुद्ध धार्मिक स्थल भएकोले त्यस्ता क्रियाकलापको लागि कानुनी कारवाही र जनकारवाही गरिएको हो ।

यहाँ, जनकपुरधामको जानकी मन्दिर छेउमा रहेको विवाहमण्डप, भूतनाथ मन्दिर, कृष्ण मन्दिर लगायतका स्थानमा यस्ता गतिविधिहरु दैनिक रुपमा हुँदै आएपनि उनीहरुलाई कसैले पनि कुनै कारवाही गर्न सकेको छैनन् ।