Vianet ले 'गुड विथ इन्टरनेट' मार्फत १५ं परिवारलाई गर्यो मद्दत

न्यूज ब्यूरो, जनकपुरधाम । नेपालमा विश्वासिलो मानिएको ईन्टरनेट सेवा प्रदायक कम्पनी भायानेटले पैसाकै अभावमा इन्टरनेट र शिक्षाबाट वञ्चित परिवारलाई सहयोग गर्ने उदेश्य अघि सारेको छ ।

भायानेट कम्युनिकेसन प्रा.लि. ले आफ्नो कर्पोरेट सामाजिक दायित्व अन्तर्गतको गुड विथ इन्टरनेट अभियान यो वर्ष पनि जारी राख्दै अहिलेसम्म १५ परिवारलाई सहयोग गरेको छ ।

कोभिडको महामारीका कारण भएको लकडाउनको समयमा पैसाको अभावले इन्टरनेट जोड्न नसकी शैक्षिक अवसरहरूबाट वञ्चित भएका विद्यार्थीहरूलाई मद्दत गर्ने उद्देश्यले सुरु गरिएको यो अभियान मार्फत एक दर्जन बढी परिवारलाई सहयोग गरेको हो ।

ह्युमन्स अफ काठमाडौंले आफ्नो सामाजिक संजाल मार्फत काभ्रेबाट आफ्ना छोराछोरीलाई पढाउन काठमाडौं आएकी प्रतिभा दिदीले महामारीका कारण अनलाइन गएको समयमा आफ्नो छोरालाई पढाउन नसकेको कुरा लेखेको थियो। उक्त कुरा थाहा पाएपछि भायानेटले प्रतिभा दिदीको परिवारलाई इन्टरनेट दिएर सहयोग गरेको थियो।

यसरी इन्टरनेट र पठन–पाठनबाट वञ्चित एउटा परिवारलाई गरिएको सहयोग नै गुड विथ इन्टरनेट नामक कर्पोरेट सामाजिक उत्तरदायित्व अभियानमा परिणत भयो।

जसले पैसाकै अभावका कारण इन्टरनेट र पठन–पाठनबाट वञ्चित परिवार र उनीहरूका बालबालिकाको शिक्षालाई इन्टरनेट दिएर सहयोग गर्दछ।

आजभोलि इन्टरनेट कनेक्टिभिटी अझ व्यापक र सर्व–सुलभबन्दै गइरहेको भएपनि अझै धेरै बालबालिकाहरू इन्टरनेटकै अभावमा गुणस्तरीय शैक्षिक अवसरहरूबाट वञ्चित छन्।

त्यसैले भायानेट आफ्नो क्षमताले भ्याएसम्म धेरै भन्दा धेरै यस्ता परिवारसम्म पुगि सहयोग गर्न चाहेको कम्पनीले जनाएको छ ।

अभियानको दोस्रो वर्षमा चक्रपथको सडकमा फिटकिरी बोझो लगायतका जडिबुटी बेचेर आफ्ना चार छोराछोरी पढाउन खोजिरहेकी डल्ली दिदी, कपनमा पानीपुरी बेची आफ्नो छोरा र छोरी पढाइरहेकी अमला दिदी लगायतका १५ विभिन्न परिवारलाई कम्पनीले सहयोग गरेको हो ।

आगामी वर्षहरूमा कम्पनीले यस्ता धेरै परिवारहरूलाई मद्दत गर्ने योजना बनाएको छ। र तपाईंको गाउँ-समाजमा पनि पैसाकै अभावका कारण कोही इन्टरनेट र पठन-पाठन बाट वञ्चित छन् भने कार्यक्रम साझेदार @Human’sofKathmandu मार्फत भायानेटमा सम्पर्क गर्न सक्नुहुनेछ।

गुड विथ इन्टरनेट सम्बन्धी थप जानकारीका लागि दिइएको लिंक हेर्नुहोस्
https://www.facebook.com/vianetnepal/videos/1636532250056787
आफ्ना ग्राहकहरूलाई उत्कृष्ट डिजिटल अनुभव प्रदान गर्ने उद्देश्यमा अग्रसर भायानेट कम्युनिकेसन्स प्रा. लि. नेपालकै अग्रणी इन्टरनेट र टिभी सेवा प्रदायकहरू मध्ये एक हो। नेपालमै पहिलोपटक फाइबर-टू-होम इन्टरनेट र डिजिटल टिभी सुरु गरेको भायानेटका सेवाहरू हाल देशव्यापी रूपमा विस्तार हुँदै छन्।