उमेश बचाउ अभियानको पुख्ता हरहिसाब अझै सार्वजनिक गरेनन राय, लाखौँ रुपैयाँ खाएको आशँका

न्यूज ब्यूरो, जनकपुरधाम । धनुषाको उमेश बचाउ अभियानमा उठेको लाखौँ रुपैयाँ झ्वाम्म पारिएको आशँका गरिएको छ ।

उमेश बचाउ अभियानको क्रममा उठाईएको लाखौँ रुपैयाँको हरहिसाब ४ बर्ष वितिसक्दा पनि एनजिओकर्मी सरोज रायले सार्वजनिक गरेका छैनन् ।

केही दिनअघि नक्कली र कृतिम हरहिसाब देखाउन खोज्दा धनुषाका पत्रकारहरुले उनलाई असल हरहिसाब सार्वजनिक गर्न भनेपछि पत्रकार सम्मेलनबाट बाहिरिएका थिए ।

एनजिओकर्मी सरोज रायको एकल नाममा रहेको ग्रोविँग नेपाल फाउण्डेशनको बैँक खातामा बिदेशबाट लाखौँ रकम उठाएर सोको बैँक स्टेटमेन्ट ४ बर्ष वितिसक्दा पनि नदिएपछि उनीमाथिको विश्वास दिनप्रतिदिन घटदै गएको छ ।

उमेश बचाउ अभियानमा अहम भूमिका निर्वाह गरेका एनजिओकर्मी रायले सो अभियानको हरहिसाब पारदर्शी नगर्दा उनीप्रतिको विश्वास घटनुको साथै उनले कसैलाई सहयोगको लागि अपिल गर्दा सहयोग गर्न युवाहरुले छाडेका छन् ।

उमेश बचाउ अभियानको रकममा हिनामिना गरेको आशँकाले उनीप्रतिको विश्वास घटदै गएको छ । उमेश बचाउ अभियानमा रकम जम्मा गर्ने बेलामै प्रत्येक दिन बैँक स्टेटमेन्ट समाजिक सँजालमै सार्वजनिक गर्ने सार्वजनिक रुपमै भनेपछि उनले बैँक स्टेटमेन्ट ४ बर्ष वितिसक्दा पनि दिन मानिरहेका छैनन् ।

ग्रोविँग नेपाल फाउण्डेशनको खाताबाट सबै रकम झिकेर बैँक खाता बन्द भएको भनेर बताउँदै आएका छन् । उनले गरेको कृतिम र अस्वभाविक हरहिसाबको कुनै प्रमाण अझै दिन सकेका छैनन् ।

जानकारी अनुसार, ग्रोविँग नेपाल फाउण्डेशनको खातामा ६० लाख भन्दा अधिक रकम जम्मा भएको तथा सउदी जाँदा विदेश कमाउन गएका युवाहरुले हाते रकम, आईएमईसहित विभिन्न रेमिट्यान्सबाट समेत रकम पठाएको थियो ।

उनले ४ बर्षदेखि नै बैँक नखुलेको, लकडाउनको बहाना गर्न थालेपछि उनीमाथिको विश्वास गायब हुन थालेको छ । समाजिक सँजालबाटै ईमोशन सृजना गरी उनले उमेश बचाउ अभियानको रकम अझै पारदर्शी गरेका छैनन् ।

लामो समयदेखि सरोज राय एकल शेयरधनी रहेको र उमेश बचाउ अभियानको सबै पैसा जम्मा भएको ग्रोविँग नेपाल फाउण्डेशनको बैँक खाता सरकारले बन्द गरिदिएको छ । यद्यपी, अझै उनले बैँक स्टेटमेन्ट सार्वजनिक नगरेपछि सबै रकम खाईदिएको शँका उब्जेको छ ।

केही दिनअघिको आफैँले तयार गरेको हरहिसाबको आधार उनले पेश गर्न असमर्थ भए । पत्रकारहरुले रायसँग हिसाबको आधार देखाउन भनेपछि उनी असमर्थ भए । तर, अझैपनि उनले पुख्ता हिसाब सार्वजनिक गर्न सकेका छैनन् ।

समाजिक सँजाल तथा केही समाचार पोर्टलहरुमा आफूलाई अब्बल देखाउन केही युवाहरुबाट समय समयमा पोष्ट गर्न लगाई उमेश बचाउ अभियानको रकम पूर्ण रुपमा झ्वाम्म पार्ने दाउमा लागेको आरोप छ ।