उच्च शिक्षा पुरा गरेको छोरीलाई २५ हजार दिने वडाअध्यक्ष साहको घोषणा

न्यूज ब्यूरो, जनकपुरधाम । मधेश प्रदेशको सर्लाही जिल्लास्थितको एक स्थानीय तहको वडाध्यक्षले छोरी पढाउनको लागि आर्थिक सहयोग गर्ने घोषणा गरेको छ ।

सर्लाहीको गोडैता नगरपालिका वडा नम्बर २ का नव निर्वाचित वडाअध्यक्ष अजय प्रसाद साहले प्लस टु दुई पास गर्ने छोरीलाई २५ हजार दिने घोषणा गरेको छ । आज एक कार्यक्रमको बिच पदभार ग्रहण गर्दै पहिलो निर्णय गरेको हो ।

बालविवाह न्यूनीकरण तथा रोकथामका लागि उच्च शिक्षा हासिल गरेको छोरीलाई उक्त रकम दिने गरेको वडाअध्यक्ष साहले बताए ।

तराई मधेसमा विधमान रहेको बालविवाहका कारण गरिब, दलित तथा अतिविपन्न परिवारका छोरीहरू उच्च शिक्षा पुरा गर्नबाट बन्चित हुँदै आएको छ । यो निर्णयले उनीहरुलाई उच्च शिक्षा पुरा गर्न र बालविवाह निरुत्साहित गर्नमा सहयोग पुग्ने वडाअध्यक्षको बुझाई रहेका छन ।

उच्च शिक्षा पूरा गरेको छोरीलाई २५ दिने निर्णय स्वागतयोग्य रहेको एक स्थानीयले बताए । माध्यमिक शिक्षा पूरा नगरी बिहेको सिकार हुने गरिब, दलित तथा अतिविपन्न परिवारका छोरीहरु सबैभन्दा बढी लाभान्वित हुने बताए ।

२५ हजार पाउने आशमा अभिभावकले छोरीलाई दस जोड सम्म पढाउने र यसबाट बालविवाह रोक्नमा ठूलो मदत मिल्ने उहाँको कथन थियो ।