सिरहाको सुखिपुरमा काँग्रेस र एमालेबीचको गठबन्धन विजयी

न्यूज ब्यूरो, सिरहा । मधेश प्रदेशस्थित सिरहा जिल्लाको सुखिपुर नगरपालिकाको नगरकार्यापालिका चुनावमा एमाले र काँग्रेसले तालमेल गरी विजयी भएको छ ।

कार्यपालिका सदस्य चुनावको लागि काँग्रेस र एमालेले गठबन्धन गरेपछि दुवै पार्टीबाट सदस्यहरु विजयी भएको हो ।

शनिवार सुखीपुर व्यपार समितिको भवनमा भएको कार्यपालिकाको चुनावका लागि तीन खुल्ला सदस्य र पाँच निर्वाचित महिला सदस्यहरू गरी ८ पदका लागि चुनाव हुँदा एमाले र नेपाली काँग्रेस गठबन्धनका उम्मेदवार बिजयी भएका हुन ।

दुई पार्टी बीचको गठबन्धनबाट खुल्ला सदस्यमा सुकन चमार, देवकुमारी मण्डल (नेकपा एमाले) र नेपाली काँग्रेस केन्द्रबाट ललन सिंह दनुवारले विजयी भएका छन् ।

यस्तै महिला सदस्यमा एमालेबाट रामवती देवी ठाकुर, विमला देवी पासमान तथा नेपाली काँग्रेसबाट अमिना मियानी, फूल कुमारी सुडिन र देव सुनैर देवी पासमान विजयी भएकी हुन् ।

गत बैशाख ३० गते सम्पन्न स्थानीय तहको निर्वाचनमा अलगै अलग चुनावमा भाग लिएको थियो ।

सुखीपुर नगरपालिकामा अध्यक्ष नेकपा एमालेबाट रामऔतार यादव र उपाध्यक्ष पदमा रेणु देवी साह निर्वाचित भएकी हुन् ।

१० वटा वडा रहेको सुखीपुर नगरपालिकामा ५ वडा नेकपा एमाले, दुई वडामा नेपाली कांग्रेस र एक–एक वडामा नेकपा माओवादी, एककिकृत समाजवादी र जसपाले जितेको छ ।

उधयोग व्यापार समिति सुखीुसुखीपुर नगर कार्यपालिकामा एमाले कांग्रेसको गठवन्धन विजय भएपछि एमाले कांग्रेसका कार्यकर्ताहरु एकअर्कालाई अविर माला लगाएर खुशी मनाएका छन् ।