शहिदनगरको हठिपुरमा आकर्षक 'मंगलेश्वर महादेव' मन्दिरको निर्माण, राती शिवलिँगमा प्रकाश

न्यूज ब्यूरो, जनकपुरधाम । शहिदहरुको नगरी भनेर चिनिने धनुषाको शहिदनगर नगरपालिकामा आकर्षक मँगलेश्वर महादेवको मन्दिर निर्माणले स्थानीयवासीमा आसा पलाएको छ ।

शहिदनगर नगरपालिकाको वडा नम्बर ६ हठिपुरस्थित स्थानीय सत्यनारायण यादवको नीजि लगानीमा मँगलेश्वर महादेवको पर्यटकीय मन्दिर निर्माण गरिएको हो ।

आईतबार धनुषा निर्वाचन क्षेत्र नम्बर २ (ख) का प्रदेश सांसद रामअशिष यादवले ग्रामीण क्षेत्रमा अदभुत मंगलेश्वर महादेव मन्दिर निर्माण गर्ने समाजसेवी सत्यनारायण यादवलाई सम्मान गरेका छन्।

हठिपुर गाउँमा निजी लगानीमा सत्यनारायण यादवले सो अदभुत महादेव मन्दिरको निर्माण गराउन सफल भएको छ।

मंगलेश्वर महादेव मन्दिर को एक दिव्य समारोह का बिच वैदिक पुजा पाठ गरेर शुभारम्भ गरिएको छ। ग्रामीण क्षेत्रको समृद्धि, मानव कल्याण हेतु सो मन्दिरको निर्माण गरिएको कुरा समाजसेवी यादवले जानकारी दिए का छन्।

सो मन्दिरमा पशुपति नाथ मन्दिरका मुल पुजारी रावल गणेश भट्ट, प्रदेश सांसद रामअशिष यादव, शहिदनगर नगरपालिका का नगर प्रमुख दिनेश प्रसाद यादव, जनकपुरधाम उधोग वाणिज्य संघ का उपाध्यक्ष अम्भु प्रसाद साह, प्राधानाध्यापक मोहन यादव सहित ले देवो का देव महादेव को भक्ति र श्रध्दापुर्वक पुजा पाठ गरेका छन्।

सो महादेव मन्दिरको प्राण प्रतिष्ठा बनारसका पांच जना पुजारीद्वारा वैदिक मन्त्र, यज्ञ र होमादि गरि पुर्ण आहुति गरिएका छन्।

धनुषा जिल्लामै महादेवको सो मन्दिर अन्यभन्दा अलग र आकर्षक देखिएपछि बाहिरका पर्यटकहरु समेत आउने सम्भावना बढेको छ ।

मन्दिरको माथि निर्माण गरिएको ठुलो शिवलिँगमा प्रकाश आउने गर्दा झन आकर्षक देखिन थालेको छ । पूर्वी धनुषामा यो मन्दिर पर्यटकीय हिसाबले बनाइएको छ ।