धनुषामा छतबाट लडेर एक युवकको ज्यान गयो

न्यूज ब्यूरो ||
जनकपुरधाम, १८ चैत्त । धनुषामा छतबाट लडेर एक यूवकको ज्यान गएको छ ।

धनुषाको क्षीरेश्वरनाथ नगरपालिका वडा नं. ७ स्थित निर्माणधिन घरको रेलिँग हाल्ने क्रममा चिप्लेर छतबाट खसेपछि मृत्यू भएको जनाइएको छ ।

रेलिँग हाल्ने क्रममा मसाला राख्न जाँदा तीनतल्ले छतबाट लड्दा गम्घिर घाईते भएका क्षीरेश्वरनाथ नगरपालिका वडा नं. ५ बस्ने लखन लाल श्रेष्ठका छोरा अन्दाजी बर्ष ४० का मुरारी श्रेष्ठको अस्पताल लैजाँदै गर्दा बाटोमै मृत्यु भएको प्रहरीले जनाएको छ ।

मसाला हाल्ने क्रममा अनियन्त्रित भएर श्रेष्ठ छतबाट मसाला सहितै तल झरेपछि गम्भिर घाईते भएका थिए ।

उपचारको लागि जानकी मेडिकल कलेज रमदैयामा ल्याउँदै गर्दा बाटोमै मृत्यू भएको भएपनि अस्पतालमा चिकित्सकले श्रेष्ठलाई मृत घोषित गरेको हो ।

मृतकको लासलाई जनकपुर अञ्चल अस्पतालमा पोष्टमार्टमको लागि ल्याउने तयारी भईरहेको जनाइएको छ ।