DJ को चर्को साउण्डले नै लियो डिजेबालाको ज्यान !

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित एक डिजे सँचालकको गएराती ज्यान गएको छ ।

धनुषा जिल्लाको कमला नगरपालिका वडा नम्बर २ माचि झिटकैयास्थित डिजे बजाएर घर फर्किदाँ डिजे सँचालकको मृत्यू भएको हो ।

कमला नगरपालिका वडा नम्बर ३ पर्सा टोलबाट डिजेको सट्टामा गएका कमला नगरपालिका वडा नम्बर २ माचि झिटकैयाको पश्चिमबारी टोल बस्ने बेचन साह (तेली) को २४ बर्षिय छोरा उमेश कुमार साहको मृत्यू भएको छ ।

केही महिनाअघि मात्र २२ लाख रुपैयाँ लगाएर किनेको डिजे बजाउन उनी आफैँ रथ हाक्थे । बिहेमा सट्टा बजाइने रथमा ठुल ठुला लाउडस्पीकर राखेर डिजेको सट्टामा जाने गरेका उमेशको शनिबार राती सट्टाबाट आउँदा मृत्यू भएको बताइएको छ ।

डिजेको चर्को साउण्डको कारण उनको मृत्यू भएको हुन सक्ने अनुमान गरिएको छ । इलाका प्रहरी कार्यालय खजुरीका प्रहरी ईन्सपेक्टर रबिन मैनालीका अनुसार उनी पहिलेदेखि नै हर्टको विरामी भएको स्थानीयहरुलाई उदृत गर्दै जनाए ।

हर्टको विरामीलाई डिजे जहर जस्तै हुन्छन् । डिजे बाजा, एण्डको को चर्को साउण्डको कारण सोही गाउँमा ज्यान जाने यो दोस्रो घटना हो । गत बर्ष मात्र डिजेको चर्को साउण्डले एक महिलाको ज्यान गएको थियो ।

बिहेबारी, छेका, पूजा, जन्मदिनमा पनि चर्को साउण्डमा डिजे बजाउने गरेको कारण यस्तो घटनाहरु दिनप्रतिदिन बढदै गएको छ । ढमढम र ठुलो साउण्डको कारण बालबालिका, गर्भवति महिला, दीर्घरोगीहरुलाई अधिक असर गर्ने गरेको छ ।