'हनि ट्रयाप' मा परेका मधेशको चर्चित गायक रविराज साह अदालतबाट निर्दोष साबित

न्यूज ब्यूरो, जनकपुरधाम । 'हनि ट्रयाप' अर्थात विष कन्याको जालमा परेका मधेशको चर्चित गायक रविराज साह (रबिन्द्र साह) अदालतबाट निर्दोष साबित भएका छन् ।

जिल्ला अदालत काठमान्डौँले गायक साहलाई २०७८ साल माघ ०४ गते उनलाई निर्दोष साबित गरेको हो । गत बर्षको कार्तिक २७ गते पक्राउ परी थुनामा रहँदै आएका गायक साह १४ महिना ६ दिनपछि थुनामुक्त भएको हो ।

गत बर्षको कार्तिक २७ गते उनलाई किरन बानियाँ नामक युवतिले जबरदस्ती करणी उद्योगको मुद्दा दिएपछि गायक साहलाई प्रहरीले पक्राउ गरेको थियो । जिल्ला अदालत काठमान्डौँले गायक साहलाई पूर्वपक्षको लागि थुनामा राख्ने आदेश दिएको थियो ।

जिल्ला अदालत काठमान्डौँले गत माघ ०४ गते निर्दोष ठहर गर्दै थुनामुक्त गरेको हो । किरण बानियाँले दिएको मुद्दामा गायक रबिराज साह सफाई पाएको हो ।

अदालतको थुनामुक्त गर्ने आदेश

गायक रविराज साह तराई मधेशमा लाईटमा आउन थालेपछि किरण बानियाँलाई आफूलाई प्रोडुसर भनाउने एक जना कलाकर्मीले नै 'विष कन्या' को रुपमा प्रयोग गरेको बताईएको छ ।

रविराजलाई फँसाउनको लागि किरण बानियाँलाई विषकन्याको रुपमा प्रयोग गरिएको बताइएको छ । गत बर्षको कार्तिक २५ गते बुद्ध एयरबाट काठमान्डौँ पुगेकी किरण बानियाँले रविराज साहसँग दुईवटा भिडियोमा रोल माग्न थालेपछि रविराजले अस्विकार गर्दा उनलाई झुठा मुद्दा लगाएर फँसाएको बयानबाजी भएको थियो ।

आफूलाई किरण बानियाँ भन्ने युवतिले प्रहरीमा 'लक्ष्मी कुमारी दास' नामक जन्मदर्ता पेश गरेको बताइएको छ । गायक रविराज साह अदालतबाट निर्दोष साबित भए लगत्तै उनी पुनः आफ्नो काममा बलियो भएर फर्केका छन् ।

उनले अहिले तराई मधेशको विभिन्न जिल्लामा आफ्नो प्रस्तुति दिन थालेका छन् । यता, झुठा मुद्दा लगाएर फँसाउने किरण बानियाँ उर्फ लक्ष्मी कुमारी दासमाथि मानहानीको मुद्दा फर्काउने तयारीमा रहेको गायक साहले बताए ।

न्यूज ब्यूरोसँग कुराकानी गर्दै गायक साहले भने, –“किरण बानियाँ उर्फ लक्ष्मी कुमारी दासले मेरो करियरसँग खेलवाड गरयो, मेरो करियर नै बर्बाद पारिदियो, मेरो करियर फिर्ता पाउन म उनीमाथि मानहानीको मुद्दा ठोक्छु । अदालतबाट आदेशको पूणपाठ आएलगत्तै उनीमाथि मुद्दा हाल्छु । अपराधिक लाभ लिनको लागि उनले मलाई फँसाइकी थिइन् ।'