४ वटा गाडी जलेर ध्वस्त भएपनि फेरी कोरोनामै मधेश आउँदै खेसारीलाल यादव

न्यूज ब्यूरो, रौतहट । भोजपुरी फिल्मका अभिनेता एवम् गायक खेसरीलाल यादव रौतहट आउने भएका छन् ।

मधेश प्रदेशको मौलापुर नगरपालिकाले बर्सेनि आयोजना गर्दै आएको मदानी महोत्सवमा भाग लिनका लागि गायकसमेत रहेका अभिनेता यादव रौतहट आउन लागेका हुन् ।

‘१७ फागुनमा खेसरीलाल मौलापुरमा आउने तय भएको छ,’ नेकपा एमाले जिल्ला कमिटी सदस्य निवेश यादवले भने । उनका अनुसार सो बारेमा आयोजक र अभिनेता बीच समझदारी भइसकेको छ ।

गत मँगलबार मात्र प्रदेश नम्बर १ को सुनसरीमा आयोजना भएको एक कार्यक्रममा आउने क्रममा भएको झडपमा उनको गाडी तोडफोड भएको थियो ।

विराटनगरसम्म आईसकेका खेसारीलाल यादवलाई कोरोना भन्दै सुनसरी जान रोक लगाएपछि पैसा तिरेका दर्शकहरुले ४ वटा गाडी, मँच र सयौँ कुर्शी तोडफोड सहित आगजनी गरेको थियो ।