बिओपी महिनाथपुरका ईन्सपेक्टर खत्रीको बिशेष पहलमा नयाँ भवन, डिआईजीले गरे प्रशँसा

न्यूज ब्यूरो, जनकपुरधाम । पूर्वी धनुषाको महिनाथपुरस्थित रहेको बिओपी महिनाथपुरका ईन्चार्ज एवम् ईन्सपेक्टर दिलेन्द्र खत्रीलाई प्रदेश २ का डिआईजीले खुलेर प्रशँसा गरेका छन् ।

महिनाथपुर बिओपीमा कार्यभार सम्हालेदेखि नै कार्य सम्पादनमा सक्रिय मानिएका ईन्सपेक्टर खत्रीलाई सशस्त्र प्रहरीका डिआईजी गणेश ठाडा मगरले उनको कार्य दक्षताको प्रशँसा गरेका हुन् ।

आईतबार बिओपी महिनाथपुरको नयाँ भवनको उदघाटन गर्दै डिआईजी मगरले ईन्सपेक्टर खत्रीको लगनशिलताको प्रशँसा गर्दै सुरक्षा निकायमा यस्तो नेतृत्वको आवश्यकता रहेको बताए ।

बिओपी महिनाथपुरमा ईन्स्पेक्टर खत्रीको आगमनपछि सरकारको लक्ष्य परिपूर्तिको लागि टेवा पुरयाउन सहयोग गरेको भन्दै प्रशँसा गरे । ईन्स्पेक्टर खत्रीको विशेष पहलमा बिओपी महिनाथपुरको नयाँ भवन बनेको हो ।

ईन्सपेक्टर खत्रीले नयाँ भवनको लागि विगत २ बर्षदेखि आफैँ खटेका थिए । सशस्त्र प्रहरीका जवानहरुलाई समेत सो भवन निर्माणको लागि खटाएर दुई बर्षको अन्तरालमा नयाँ भवन निर्माण गरी आईतबार गृह प्रवेश समेत गरेका हुन् ।

बर्षौदेखि महिनाथपुर बोर्डरमा एक मात्र पुरानो भवन हुँदा सुरक्षाको दृष्टि र भन्सार व्यवस्थापनको लागि समस्या हुँदै आएकोमा नयाँ भवन सुविधा सम्पन्न निर्माण गरिएको ईन्सपेक्टर खत्रीले बताए ।

उनका अनुसार, भवनमा चिस्यान, अन्न भण्डार, शौँचालय, किचेन, जवान बस्ने क्वार्टर, सवारी सर्भिसिँग गर्ने ग्यारेज समेत राखिएको छ ।

भारतबाट ल्याउने समान र भन्सार व्यवस्थापनको लागि नयाँ भवनले सहजता हुने ईन्सपेक्टर खत्रीले बताए । उनले भवन निर्माणको लागि सहयोग गर्ने सशस्त्र प्रहरीका जवान, अधिकारी, जनप्रतिनीधि, राजनीतिक दल, समाजसेवी, सर्वसाधारणहरुप्रति आभार प्रकट गरे ।

सोही कार्यक्रममा सशस्त्र प्रहरी बल धनुषाका एसपी नरेन्द्र सेनले समेत ईन्सपेक्टर खत्रीको प्रशँसा गरे । महिनाथपुर बिओपीमा बर्षौदेखि रहेको पुरानो भवनमै गुजारा गरी नयाँ भवन बनाउन ईन्सपेक्टर खत्री सफल भएको भन्दै उनको प्रशँसा गरे ।

यसका साथै, महिनाथपुर बोर्डरमा भारतबाट भन्सार छली गरी ल्याउने समान बरामदको लागि निरन्तर कार्य सम्पादन दुरुस्त पारेको प्रतिवेदन उल्लेख गर्दै उनले निरन्तरता दिन आग्रह समेत गरे ।