गायक खँगको स्टुडियो गैर–कानुनी, लाखौँको कर चोरी

न्यूज ब्यूरो, सप्तरी । अश्लिल गीतहरु गाएर चर्चामा आई तेस्रो दर्जामा झरेका गायक मानिने सन्नु कुमार मण्डल (खँग) को सप्तरीस्थित रहेको रेकर्डिँग स्टुडियो गैर कानुनी रहेको आरोप लगाइएको छ ।

सप्तरीको सदरमुकाम राजविराजस्थित सँचालनमा रहेको किँग स्टुडियो कम्पनी रजिष्टारमा दर्ता गरेको छैनन् । सरकारले रेकर्डिँग स्टुडियोहरुले तिर्नुपर्ने करको लागि कम्पनी रजिष्टारको कार्यालय त्रिपुरेश्वरमा दर्ता गर्नुपर्ने प्रावधान बनाएपछि बिना दर्ताको सँचालन गर्दै आएको छ ।

कम्पनी रजिष्टारमा दर्ता नै नगरी सँचालनमा ल्याएको खँगको किँग स्टुडियो अहिलेसम्म लाखौँ रुपैयाँको कर चोरी गरेको आरोप लगाइएको छ ।

कम्पनी रजिष्ट्रार कार्यालयको कम्पनी, सँस्थाहरुको सूचिमा किँग स्टुडियो फेला परेनन् । विगत २ बर्षदेखि सँचालनमा ल्याएको सो स्टुडियोबाट दर्जनौ गीतहरु क्यासेट मार्फत पनि बजारमा गएको वापत सरकारलाई तिर्नुपर्ने कर चोरी गरेको प्रष्ट छ ।

स्टुडियो सँचालनको लागि वा सो मार्फत कुनै कार्यक्रमहरु गर्नको लागि सरकारलाई तिर्नुपर्ने करको लागि कर कार्यालयमा समेत दर्ता हुनु आवश्यक मानिन्छ । उनी दर्ता नभएरै विभिन्न ठाउँमा कार्यक्रमहरु गरी कर चोरी गरेको देखिएको छ ।

स्टुडियो सँचालनको लागि हरेक बर्ष कम्पनी रजिष्टारमा आर्थिक वर्षको आय–व्यय विवरण पेश गरी कर चुक्ता गर्नुपर्ने प्रावधान छ ।

सो सन्दर्भमा किँग स्टुडियोका सँचालक समेत रहेका गायक खँग एक सानो सँवादमा आफ्नो स्टुडियो दर्ता रहेको दाबी गरे । उनले आफ्नो स्टुडियो दर्ता रहेको र दर्ता नम्बर स्टुडियोमा आए मात्र भन्ने बताए ।

उनले स्टुडियो दर्ता रहेको वा नरहेको भन्ने बारे फोनमा भन्न नमिल्ने बताए ।