धनुषाधाम नपाको न्यायकि समितिमा महतो र सिँह

विनय कुमार यादव ||
धनुषा, ८ चैत्त । धनुषाको धनुषाधाम नगरपालिकामा बसेको कार्यपालिकाको बैठकबाट न्यायिक समिति चयन गरिएको छ ।

नगर प्रमुख बालेश्वर मण्डलको अध्यक्षतामा मँगलबार बसेको कार्यपालिकाको बैठकबाट न्यायकि समितिमा ईन्द्र कुमार महतो र रामचन्द्र सिँहलाई चयन गर्ने बहुमतले पारित गरिएको छ ।

कार्यपालिकाको बैठकमा विभिन्न बुंदाहरु उपर छलफल गर्दै महतो र सिँहलाई बहुमतले पारित गरी न्यायिक समितिमा राख्ने निर्णय गरिएको हो ।

नगर प्रमुखले नै सुनाएको ती बुँदाहरु उपर वृहत छलफल गर्दा बजार अनुगमन र निर्देशिका छलफल पारित सम्बन्धमा समेत भएको छलफलबाट सर्वसहमतिले पारित गरिएको जनाइएको छ ।