जनकपुरः महेन्द्रनगरस्थित मोसा दुर्घटना हुँदा एक युवकको मृत्यू, तीन घाईते

न्यूज ब्यूरो, जनकपुरधाम । जनकपुरधाम–ढल्केबर सडक खण्डमा दुई वटा मोटरसाईकल एक आपसमा ठोक्किंदा भएको दुर्घटनामा परी एक जनाको मृत्यु भएको छ ।

क्षीरेश्वरनाथ नगरपालिका–५ महेन्द्रनगर स्थित बुधबार राती सो दुर्घटना भएको हो । ढल्केवरबाट जनकपुरतर्फ आउंदै गरेको ज ९ प २३५५ नम्बरको मोटरसाइकल र विपरित दिशाबाट जाँदै गरेको प्रदेश २–०१–००१ प ४८५८ नम्बरको मोटरसाइकल एक आपसमा ठोकिएर दुर्घटनाग्रस्त भएको हो ।

दुर्घटनामा परी प्रदेश २–०१– ००१ प ४८५८ मोटरसाइकलको चालक प्रल्हाद केसीको मृत्यु भएको छ । भने सो दुर्घटनामा परी सिरहा जिल्ला मिर्चैया नगरपालिका–६ का तीन जना घाइते भएका छन ।

घाइते हुनेहरुमा अमित साह, रोशन महतो र राज साह रहेका छन् । घाईते मध्ये अमित साहको अवस्था गंभीर रहेकाले थप उपचारको लागि विराटनगर रेफर गरिएको ट्राफिक प्रहरी जनकपुरधामले जनाएको छ ।

मृतकको शव परीक्षणको लागि प्रादेशिक अस्पताल जनकपुरधाममा राखिएको छ ।