'जनकपुरको देवपुरा रुपैठामा मुस्लिमहरुले छठ व्रतालुसँग प्रत्येक वर्ष निहुँ खोज्छन्' (भिडियोसहित)

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामको देवपुरा रुपैठास्थित त्यहाँको मुस्लिम समुदायका व्यक्तिहरुले प्रत्येक वर्ष छठ व्रतालुसँग झगडाको निहुँ खोजेको आरोप लगाइएको छ ।

जनकपुरधाम उपमहानगरपालिका वडा नम्बर २० देवपुरा रुपैठास्थित रहेको एक सार्वजनिक पोखरीमा हिन्दु धर्मावलम्बीहरुले छठ घाट बनाउन जाँदा मात्र प्रत्येक वर्ष केही उच्छृँगल व्यक्तिहरुले झगडाको निहुँ खोजेको बताइएको छ ।

वडा नं. २० का वडाध्यक्ष भोगेन्द्र झाले न्यूज ब्यूरोसँग कुराकानी गर्दै प्रत्येक वर्ष छठ घाट सिँगार गर्न जाँदा मुस्लिम समुदायका केही व्यक्तिहरुले बलपूर्वक झगडा गर्न खोजेको आरोप लगाएका छन् । गत वर्ष पनि तिहार (दिपावली) को बेला मुस्लिम समुदायका केही उच्छृँगल व्यक्तिहरुले घाटको लागि अवरोध गरेपछि दुईतर्फी झडप भएको थियो ।

यस वर्षपनि छठको एक दिन अगाडी हिन्दु धर्मावलम्बीहरुले सोही सार्वजनिक पोखरीमा घाट निर्माणको लागि जाँदा मुस्लिम समुदायका युवकहरुले उनीहरुलाई अवरोध पुरयाएका थिए । घाट निर्माणमा अवरोध पुर्याएपछि आक्रोसित युवकहरुले उनीहरुलाई लखेटेपछि झडपको स्थिति सृजना भएको थियो ।

सोही दिन हिन्दु समुदायका व्यत्तिहरुले भगवा झण्डा लिएर धार्मिक यात्रा निकालेपछि यात्रामा समेत उनीहरुले अवरोध पुर्याउने प्रयास गरेका थिए । धार्मिक रयालीमा मुस्लिम समुदायका व्यक्तिहरुले घरबाट भाला, बर्छी, लाठी लिएर रयालीलाई अवरोध गरी आक्रमण गर्न खोजेको आरोप वडाध्यक्ष झाले लगाए ।

त्यहाँस्थित रहेको सार्वजनिक पोखरीलाई एक तर्फबाट हिन्दु समुदायका व्यक्तिहरु माटो पुरेका छन् भने अर्का तर्फबाट मुस्लिम समुदायका व्यक्तिहरुले समेत पोखरीमा माटो पुरेर कब्जा जमाएको बताइएको छ ।

सुरुमा एक तर्फ मुस्लिम समुदायहरुले दाहा राखेपनि अहिले दाहा हटाएर त्यहाँ मुर्गा मासुको पसल सँचालन गरेका छन् । सोही स्थानमा प्रत्येक वर्ष हिन्दु समुदायले लोक र आस्थाको पर्व मानिने छठ घाट बनाउँछन् । सोही घाट नजिकै उनीहरुले बलपूर्वक मासुको पसल सँचालन गरी कुखुराको प्वाँख जथाभावी फालेर घाटसम्म पुरयाएपछि दुईतर्फी झडप भएको थियो ।

हिन्दु समुदायका युवकहरुले कमसेकम छठ पर्वमा समेत यसलाई बन्द गरी निष्ठा पूर्वक छठ पर्व मनाउन दिन आग्रह गरेपनि मुस्लिम समुदायका केही उच्छृँगल व्यक्तिहरुले बलपूर्वक यहाँ मासु बेच्ने र कसले के गर्ने भनेर चुनौति दिएपछि झडपको स्थिति सृजना भएको थियो ।

यस विवादमा जनकपुरधाम उपमहानगरपालिकाका मेयर लालकिशोर साहलाई दोषी करार वडाध्यक्ष झाले दिएका छन् । उनले सार्वजनिक पोखरी नगरपालिकाको अधिनमा रहेपनि व्यवस्थापन गर्न नसक्दा प्रत्येक वर्ष यस्तो स्थिति सृजना भएको आरोप लगाए ।

एउटै सार्वजनिक पोखरीमा दुई समुदायले कब्जा जमाएपछि नगरपालिकाले त्यहाँबाट फिर्ता गरी व्यवस्थापन नगरेसम्म प्रत्येक वर्ष यस्तै स्थिति सृजना हुने वडाध्यक्ष झाले बताए ।

यता, धनुषाका प्रमुख जिल्ला अधिकारी (सिडिओ) बन्धु प्रसाद वास्तोलाले आज दुवै पक्षलाई बोलाएर यथार्थ के रहेको बारे बुझ्ने बताए । उनले समेत नगरपालिकाको अधिनमा रहेको सार्वजनिक पोखरीमा दुई समुदायवीच झगडा हुने गरेको बताए ।