कोरोनामा रोजगार गुमाएकालाई सरकारले १०/१० हजार दिने, कुन नगरपालिकामा कति जनाले पाउने ?

न्यूज ब्यूरो, जनकपुरधाम । कोरोना महामारीको बेला औपचारी र अनौपचारिक रुपमा आफ्नो रोजगार गुमाएका नागरिकलाई नेपाल सरकारले १०/१० हजार रुपैयाँ दिने भएको छ ।

कोरोना महामारीको पहिलो चरण र दोस्रो चरण गरी आफ्नो रोजगारी गुमाएका परिवारलाई सरकारले १०/१० हजार रुपैयाँ दिने नीति ल्याएको छ । त्यस्ता परिवारलाई नगद हस्तान्तरण गरिने भएको छ ।

सो समयमा विभिन्न सँघ सँगठन, कम्पनी, सँस्थामा रोजगारी गरी परिवार पाल्दै आएका व्यक्तिहरुले लामो लकडाउन र त्यसपछि सृजना भएको रोजागरीको अवस्थालाई मध्यनजर गर्दै सरकारले त्यस्ता परिवारलाई १०/१० हजार रुपैयाँ दिने घोषणा गरेको हो ।

त्यसमा पनि अति विपन्न परिवारलाई छनौट गरी सो राहत दिने भएको छ । देशैभरिको स्थानीय तहको तथ्याँक अनुसार, रोजगारी गुमाउने अति विपन्न परिवारलाई सो रकम दिने भएको छ ।

धनुषा जिल्लाको सन्दर्भमा तथ्याँक अनुसार, कमला नगरपालिकाको १२८१ जना, शहिदनगरको १४८३ जना, जनकनन्दिनीको ७०३ जना, सबैलामा १६४३ जना, हँसपुरमा ११४२ जना, बटेश्वर गाउँपालिकामा ४९८ जना, धनुषाधाम नपामा १२७४ जना, मिथिला नपामा १०३६ जना, क्षीरेश्वरमा ९८७ जना, गणेशमानचारनाथ नपामा ११४३ जना, लक्ष्मीनियाँ गाउँपालिकामा ६२३ जना लाभग्राहीको तथ्याँक उल्लेख छ ।

यस्तै, अन्य जिल्लाहरुमा समेत स्थानीय तहले पठाएको तथ्याँक बमोजिम उनीहरुले राहत पाउने भएको छ ।