जनकपुरमा चोरी गर्दै गर्दा चोर पक्राउ

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामस्थित गएराती चोरी गर्ने प्रयास गरेका एक पुरुष पक्राउ परेका छन् ।

जनकपुरधाम उपमहानगरपालिका वडा नम्बर २३ बिन्धीस्थित स्थानीय अनिरुद्ध चौधरीको घरमा गएराती करिब १ बजेको समयमा चोरी गर्न जाँदा एक जना पक्राउ परेका छन् ।

पक्राउ पर्नेमा धनुषाको नगराईन नगरपालिकाको अकौरा बस्ने अन्दाजी बर्ष ५५ को राकेश पासवान रहेको जनाइएको छ । गएराती उनी चौधरीको घरमा पसेर चोरी गर्न लाग्दा पक्राउ परेको हो ।

पासवानले चौधरीको घरमा पसेर उनका परिवारजनमाथि कुटपिट समेत गरेका थिए । रड प्रहार गरी अनिरुद्धलाई घाईते समेत बनादिएको छ ।

यता, पासवानले आफू कर्णाली(रक्सी) खाएर बाटो बिराएको प्रतिक्रिया दिएका छन् । स्थानीयहरुले पक्राउ गरी घरमा बाँधेर राखी प्रहरीलाई बोलाएको थियो । उनले आफू चोरी नगरेको र चोरीको मनसायले नआएको बताएका छन् ।

पासवानलाई जिल्ला प्रहरी कार्यालय धनुषाको नियन्त्रणमा राखिएको बताईएको छ । पासवानबारे अनुसन्धान गरिरहेको प्रहरीले जनाएको छ ।