जिउँदै पत्रकारलाई मरेको भनेर मुख्यमन्त्री राउतले श्रद्धाञ्जली दिएपछि...

न्यूज ब्यूरो, जनकपुरधाम । प्रदेश नम्बर २ का मुख्यमन्त्री मो. लालबाबु राउत गद्दीले जिउँदै पत्रकारलाई मरेको भन्दै श्रद्धाञ्जली दिएपछि चौतर्फी आलोचना भएको छ ।

प्रदेश २ का मुख्ममन्त्री राउतले शुक्रबार साँझ सिरहाका पत्रकार रामानन्द गुप्ताको उपचारको क्रममा मृत्यू भएको भन्दै श्रद्धाञ्जली व्यक्त गरेपछि आलोचना भएको छ ।

मुख्यमन्त्री जस्तो पदमा आसिन भएको व्यक्तिले सत्यतथ्य नबुझि जिउँदै व्यक्तिलाई श्रद्धाञ्जली दिएकोप्रति आलोचना भएको छ । मुख्यमन्त्री राउतले शुक्रबार पत्रकार गुप्ताको मृत्यू भएको भनेर शोक जनाउँदै श्रद्धाञ्जली अर्पण गरिदिएका छन् ।

उनले पत्रकार गुप्ताको मृत्यूले पत्रकारिता क्षेत्रलाई अपूर्णिय क्षति भएको भन्दै उनको आत्मको चीर शान्तीको कामना समेत लेखेका छन् । यद्यपी, मुख्यमन्त्री राउतको सचिवालयले पत्रकार गुप्ता जिउँदै रहेको खवर पाएपछि त्यसलाई सच्याउँदै पोष्ट डिलिट गरेको हो ।

समाजिक सँजालको माध्यमबाट खवर पाएपछि मुख्यमन्त्रीको सचिवालयले श्रद्धाञ्जली र शोक वक्तत्व जारी गरिएको बुझिएको छ । पत्रकार गुप्ताको अहिले अस्पतालमा उपचार भइरहेको जनाइएको छ ।