जनमत पार्टीको अराजकता कदापी स्वीकार्य हुँदैनः जसपा युवा नेता यादव

न्यूज ब्यूरो, जनकपुरधाम । जनता समाजवादी पार्टी (जसपा) का युवा नेता नविन यादवले जनमत पार्टीको अराजकता कदापी स्वीकार्य नहुने बताएका छन् ।

जनकपुरमा विहिबार जनमत पार्टीका कार्यकर्ताहरुले एक सरकारी कर्मचारीसँग गरेको व्यवहार अराजक रहेको ठहर गर्दै उनले यस्तो अराजकता स्वीकार नहुने चेतावनी दिएका छन् ।

उनले मुलुक विखण्डनको मुद्दामा केपी ओलीको जुत्तामा नाक रगडेर अस्तित्व गुमाउँदा मधेश आन्दोलनमा समेत उनको विखण्डनको राजनीतिले क्षति पुरयाएको औल्याउँदै उनका कार्यकर्ताहरुले अराजकता प्रदर्शन गरेको आरोप लगाएका छन् ।

आफूलाई नासाको बैज्ञानिक भनेर भन्दै आएका डा. राउतले ४ महिनाकै जेलमा सातो उडेपछि केपी ओलीसँग गएको बताएका छन् । उनका कार्यकर्ताहरु गरेको अराजकताको हिसाबकिताब हुने चेतावनी समेत दिएका छन् ।

विहिबार सिके राउत नेतृत्वको जनमत पार्टीका कार्यकर्ताहरुले जनकपुरधामस्थित संघीय खानेपानी तथा ढल व्यवस्थापन कार्यालयका डिई राजेश कुशवाहालाई भ्रष्टाचार गरेको भन्दै कपडा च्यातेर बजार घुमाएका थिए ।