सुनसरी अपडेटः घरमा आगो र पूजा घरमा तोडफोडको विरोधमा साधुहरुले गरे सडकजाम

न्यूज ब्यूरो, सुनसरी । प्रहरी हिरासतभित्रै थुनुवाको मृत्यु भएको विषयलाई लिएर एक जनाको घरमा आगो लगाईदिएपछि साधुहरुले त्यसको विरोध गरेका छन् ।

प्रेम सम्बन्धको विषयलाई लिएर प्रहरीले पक्राउ गरेका भोक्राहा वडा नम्बर ५ का हकिम साह आइतबार बिहान मृत फेला परेका थिए । सोही बिषयमा आक्रोसित उनका आफन्तजनहरुले प्रेम सम्बन्ध भनिएकी युवतिको घरमा आगो लगाएको थियो ।

प्रहरी हिरासतमा हकिमले आत्महत्या गरेको प्रहरीको बयानपछि उनका परिवारजनसहित उनका आफन्तजनहरुले प्रेम सम्बन्ध भनिएको युवति (केटी पक्ष) को घरमा आगो लगाईदिएपछि साधुसन्तमहरुले मँगलबार लौकही बजारस्थित चक्काजाम गरेको हो।

स्थानीय विष्णु कुमार शर्माकी छोरीलाई हकिमले अभद्र व्यवहार गरेको भन्दै प्रहरीमा जाहेरी दिएको थियो । सोही क्रममा प्रहरीले उनलाई पक्राउ गरेको थियो ।

भोक्राहा नरसिंह गाउँपालिका– ५, टपरा घर भएका हकिमले छिमेकी नगरपालिका इनरुवा ९ की एक किसोरीलाई फगाएर लगेकोहकिमलाई असोज १२ गते पक्राउ परेको थियो ।

हकिमका परिवारजन आफन्तजन तथा गाउँ गाउँबाट बोलाएको मान्छेहरुले शर्माको घरमा तोडफोड सहित आगो लगाएको भन्दै साधुसन्तहरुले विरोध जनाएका छन् । शर्माको पूजा घरमा समेत तोडफोड गरी आगो लगाएको भन्दै धर्मप्रति प्रहार गरेको बयान साधुहरुले दिएका छन् ।

कानुनी र आपसी समझदारीमा सार्वजनिक रुपले मुद्दाको सुनुवाई हुन सक्ने अवस्थामा शर्माको घरमा आगो लगाउनु उनीहरुको मानसिकतामा अर्कै कुरा चलेको आरोप लगाउँदै सडक जाम गरेको थियो ।

उनीहरुले आफूहरुलाई कमजोर ठानेर भगवानको पूजा घरमा तोडफोड गर्नु सुनुयोजित र चुनौति दिएको सनातन धर्म सँरक्षण मँचका उपाध्यक्ष राजेश यादवले बताए । उनले आफूहरुलाई कमजोर ठान्दै घर र पूजा घरमा तोडफोड गरेर खुल्ला चुनौती दिएको बताए ।

पूजा घरमा तोडफोड गर्नु धार्मिक आस्थामाथि नै प्रहार गरेको बताउँदै यादवले तोडफोड गर्नेहरुलाई कारवाही नगरे आफूहरु कारवाही गर्न बाध्य हुने चेतावनी पनि दिएका छन् ।

गत असोज १२ गते नै पक्राउ गरिएको हकिम थुनुवामै रहेको बेला आईतबा मृत फेला परेको थियो । उनले थुनुवामै रहेको बेला आत्महत्या गरेपछि हकिमका परिवारजन र आफन्तजन सहित गाउँ गाउँबाट बोलाएको मान्छेहरुले शर्माको घर जलाएको थियो । भगवानको पूजा गर्ने घर समेत जलाएको थियो ।

जिल्ला प्रहरी कार्यालयका एसपी सञ्जय सिंह थापाले समेत हकिमले आत्महत्या गरेको बताएका छन्। तर मृतकका आफन्तहरुले सुनियोजित हत्या भएको भन्दै छानविन र दोषीमाथि कारवाहीको माग गरिरहेका छन् ।

यसबारेमा सुनसरीका एसपी थापासँग त्यहाँको वर्तमान अवस्थाबारे सोध्दा उनले फोन काटेका थिए । सुरुमा शान्ती सुरक्षा समान्य रहेको प्रतिक्रिया दिएपनि पूजा घरमा तोडफोड गर्नेहरु, घरमा आगो लगाउनेहरुलाई कारवाहीको दायरामा ल्याइएको वा नल्याइएको बारे जिज्ञासा राख्दा उनले सीाधा फोन काटेका थिए ।