मिटर ब्याजी 'नरेश चौधरी', जो आफ्नै विद्धुवा दिदीलाई पनि छाडेनन

न्यूज ब्यूरो, सर्लाही । साहू नरेश चौधरीले आफनो सहोदर विद्यवा दिदीलाई समेत ठगि गरेको रहस्य बाहिरिएको छ ।

सर्लाहीको साविक गाविस लक्ष्मीपुर वडा न.. ७ कोद्राहा हाल हरिपुर नगरपालिका वार्ड न। ५ कोद्राहा टोल निवासी जुलुम चौधरी को ५५ बर्षिय पत्नी पसिया देवी समेत आफनै भाई नरेश बाट ठगिएकी छिन ।

करिब ३ बर्ष अगाडी नरेश चौधरीले आफनै सहोदर दिदीलाई समेत बैंक जमिन धितोमा राख्ने भनी झुक्याएर जमिन नै अरुको नाममा पास गराएको रहस्य बाहिएको छ ।

गत वि.सं. २०७० साल तिर करिब ८ बर्ष अगाडी पिडित पसिया देवी भाई नरेश संग मिलेर लालबन्दी नरपालिकाका वडा नं. १ पुर्नवास टोलि स्थित सैनिक ब्यारेक भन्दा केही अगाडी रेल लिक निमार्ण हुन लागेको ठाउँ नजिकै जमिन किन्ने कुरा भएको थियो ।

प्रति कट्ठा १ लाख ५० हजारको दरले दुई कट्ठा पसिया देवी र एक कट्ठा १४ धुर चौधरी खेतधनीसंग कुरा मिलेपछि जमिन नामसारी हुने एक दिन अघि आफूलाई खेत किन्न ५० हजार रुपैया कम परेको चौधरीले दिदीलाई बताएको थियो ।

तपाई आफनै गाउँको साहूसंग पैसा खोजेर दिनु भाईले भनेको पिडित पसिया देवीले बताईन । आफनो पतिको मृत्यू भईसकेको कारण आफनो समेत परिवार अवस्था दयनिय थियो, भोलि नै जमिन रजिष्ट्रेशन गराउनु थियो ।

“मैले गाउँमा पैसा खोजे तर कसैले दिन मानेन । त्यसपछि भाईले मलाई भने दिदी तमसुक बनाए भएपनि साहूसंग कर्जा लिनु र म आफनो जमिन पनि हजुरकै नाममा पास गरिदिन्छु” भाई नरेशलाई उदृत गर्दै भनिन।

नरेशले आफनै नाममा जमिन पास गराउने भएपछि साहूसंग कागज बनाएर ५० हजार कर्जा लिएर खेतधनीलाई बुझाएको बताइन् । उनले दुवै किता आफनै नाममा गराएको थपिन ।

“खेत किनेको ५ बर्षपछि भाईले आएर मलाई भन्यो, दिदी मलाई मोटो पैसाको खाँचो छ, हजुरको नाममा भएको मेरो जमिन र तपाईको आफनो जमिन मात्र ३ बर्षको लागि बैंकमा धितो राखिदिनुस, ३ बर्षपछि फेरी जमिन तपाईकै नै रहने छ । ”आफनै भाई भएका कारण म संग यति ठूलो षडयन्त्र गर्दैन भनी म पनि जमिन धितो राख्न राजि भएको पसिया देवीले भावुक हुदै भनिन ।

यता उसले सबै कुरा मिलाएर जमिन धितो राख्न मालपोत कार्यलय हरिवनमा मलाई बोलाएर म संग औंठा छाप समेत लगाए तर आफनै सहोदर भाई भएका कारण मसंग यति ठूलो धोका र जालसाजी गर्दै छ भने मैले चाल समेत पाईन ।

आफू निरक्षर र छोरा समेत विगत लामो समयदेखि वैदेशिक रोजगारमा भएका कारण आफूसंग कोही संगै लिएर जान्न समेत भ्याईन । दिन बित्दै गयो, तिनबर्ष बितेपछि मैले जमिन खोज्दा जमिन जिल्ला महोतरी साविक गाविस देवाई वडा नं. ४, हाल सम्सी गाउँपालिका वार्ड न। १ निवासी विजय कुमार सिंह को श्रीमती कामनी देवीको नाममा पास भईसकेको थाहा पाएको पसिया देवीले रुदै भनिन ।

नअपढ आमालाई ठगि गरेपछि हामीलाई जमिन फिर्ताको लागि मामा नरेश चौधरी कहाँ पुगेका थियौ।, पिडित महिलाको छोरी शान्ति देवीले भनिन । तर तिम्रो आमाकै सहमति मै जग्गा नामसरी भएको भन्दै उल्टै हामीलाई नै धम्कयाएको बताईन । हामी मामा गाउँकै पंच प्रतिनिधिहरुलाई गत सालको चैत्र महिनाको १ गतेका दिन भेला गराएर पंचायती गराउदा समेत पंचायतमा पनि आमालाई ३ महिना भित्रमा जमिन वापत ५ लाख दिने सहमति भएपनि पैसा नदिएको गुनासो गरिन ।

पंचायतबाट तोकिएको म्याद सकिएपछि आमालाई लिएर २०७८ सावन ७ गते जिल्ला प्रशासन कार्यलयमा समेत निवेदन दर्ता गरायौ, त्यहाँ पनि सावन मसान्तभित्रमा पैसा दिने सहमति गरेपनि पैसा नदिएको शान्तिले गुनासो गरिन । तिमीहरुलाई जहाँ खोज्नु छ , खोज म एक रुपिया पनि दिन भनी धम्कयाएको गुनासो गरिन ।

वि.सं. २०५३ सालमा पति गुमाएर साहाराविहिन बनेकी पसिया देवीको एक छोरा, बुहारी र एक छोरी रहेका छन । छोराबाट एउटा नाति रहेको छन, छोरीको केही बर्ष अघि विवाह भईसकेका छन । आर्थिक अवस्था कमजोर भएका कारण बृद्ध आमालाई गाउमै छोडेर विगत एक दशक देखि छोरा वैदेशिक रोजगारमा रहेको छ ।

चन्द्रनगर गाउँपालिका वडा नं. ३ बरकुर्वा गहरी टोल का आधा भन्दा बढी मुसहर परिवारहरु समेत नरेश चौधरीबाट ठगिएका छन । दुईबर्ष अगाडी प्रदिप माझी र कविता माझी दम्पति समेत साहू नरेश चौधरीसंग ३० हजार कर्जा लिएको थियो, ऋण लिएकै दिन कागज बनाउने नाममा नागरिकता समेत खोसियो । कर्जा लिएको तिन महिना नबित्दै काम गरेर पति रोजगारीबाट फर्किदै गर्दा बाटो बाटै तिस ३० रुपिया खोसेको गुनासो गरिन ।

तिस हजार लिएपनि केही महिना अघि ४० हजार बताउने साहूले अहिले आएर डेढ लाख कर्जा पुगेको बताउदै आएको छ । आफनो नागरिकता माग्न पटक–पटक पुगेपनि नागरिकता हराएको बहाना बनाउदै आएका छन, नागरिकता नहुदाँ रासन, दलित भत्ता, सरकारी सेवा सुविधाबाट बन्चित हुनुको साथै बालबालिकाहरुलाई जन्मदर्ता बनाउनमा समेत ढिलाई हुदै आएको गुनासो गरिन ।

सोही टोलकै सन्झा देवि समेत एक बर्ष अगाडी साहू चौधरीसंग २० हजार ऋण लिएको थिईन, दुई हजार सेवा शूल्कको नाममा कट्टा गरी ४ हजार ५ हजार गरी पटक–पटक मा १८ हजार पाईन तर बर्ष नबित्दै साहूले ब्याज सहित रकम डेढ लाख पुगेको बताएपछि देवीको रातको निन्द्रा हराउन पुग्यो ।

नरेश चौधरीले ६ महिनाअघि कागज बनाएर मलाई दुई हजार चार हजार गरी ३ महिनामा तिस हजार ऋण दिएको थियो, त्यही टोलकी अर्का पिडित मुसहर महिलाले बताईन । दु्ईबर्ष नबित्दै साहूले ऋण ब्याजसहित तिन लाख पुगेको दाबी गरेको थियो तर ८० हजार दिनेमा सहमति भएको बताईन ।

साहू नरेश चौधरीको मिटर ब्याजी धन्दा चन्द्रनगर गाउँपालिकामा सिमित छैन, छिमेकी पालिकाहरु समेत गरिब निरक्षर सर्वसाधारणलाई मिटर ब्याज लगाएर ठगि गर्दै आएको छ । ईश्वपुर नगरपालिकाको एउटै गाउँको पनि दजनौं सर्वसाधारण समेत ठगिएका छन ।

साविक गाविस भक्तिपुर वार्ड न। ९, हाल ईश्वरपुर नगरपालिका वार्ड न। ३ सिङ्गे टोल निवासी राजकुमार सिंह र अपति देवि सिंह डेढ बर्षअघि साहू नरेश संग ५० हजार ऋण लिएकी थिईन । ऋण लिएको ५ महिना नबित्दै फोरवार्ड भने सहकारीबाट ऋण लिएर साहूलाई ७० हजार बुझाईन। फेरी ३ महिनापछि साहूले पैसाको लागि ताकेता गरेपछि छिमेकी सहकारीबाट पनि ७० हजार लिएर साहूलाई बुझाईन ।

५० हजार कर्जा वापत अपति देवीले डेढ बर्षमै दुई पटकमा १ लाख ४० हजार बुझाएपनि एक लाख बाँकी रहेको दाबी गर्दै आएका छन। पैसाका लागि विभिन्न किसिमका डर त्रास दिनुको साथै घरबाट भगाई दिने धम्की दिदै आएको पिडितले गुनासो गरिन ।

त्यही टोल निवासी रामकेवल माझी र विन्देव देवी माझी दम्पति पनि भैंसी किन्नका लागि साहू नरेशसंग दुईबर्ष अगाडि ५० हजार ऋण लिएकी थिईन ।
पहिला नै कागज बनाएर पैसा दिने साहू दुई हजार, चार हजार, पाँच हजार गरी दुई अढाई महिनामा ५० हजार दिए ।

एकै पटक लिएको कर्जामा दुई हजार चार हजार दिदाँ ५ सय सेवा शूल्क र पाँच दिदाँ १ हजार पटक–पटक सेवा शूल्कको नाममा काटने गरेको गुनासो गरिन ।

भैंसी किन्न लिएको कर्जा एक चोटीमा एक मुष्ठ नपाएका कारण सबै पैसा घर खर्चमै सकियो । अहिले आएर साहूले ५० हजार कर्जाकोे दुईबर्षमै दुई लाख बताउदै आएको छ । पैसा नदिएको भैंसी खोलेर समेत लैजाने धम्की दिदै आएको गुनासो गरिन ।