डा. सिके राउतको अगाडी झुके 'नेपाल सेन्सर बोर्ड' पनि

न्यूज ब्यूरो ||
जनकपुरधाम, ३ चैत्त । मधेस आन्दोलनमा आधारित भोजपुरी भाषाका फिल्म मधेसी पुत्र २ बाट डा. सिके राउतलाई हटाएपछि प्रदर्शनमा आउने भएको छ ।

आगामी चैत्त ९ गतेदेखि नेपालभरिका सिनेमा घरहरुमा प्रदर्शनमा आउन लागेको मधेसी पुत्र - २ लाई सेन्सर बोर्डले फिल्मलाई रिलिज गर्ने अनुमति दिएको छ ।

यसअघि फिल्ममा स्वतन्त्र मधेस गठबन्धनका सँयोजक डा. सिके राउतको भूमिकालाई दर्शाएपछि नेपाल सेन्सर बोर्डले कैँची चलाउँदै फिल्म प्रदर्शनमा रोक लगाएको थियो ।
चलचित्रमा डा. सिके राउतको अभियन सहित 'सिके राउत जिन्दावाद' को नारा लगाएको भन्दै बोर्डले चलचित्र प्रदर्शनमा रोक लगाएको थियो ।

प्रदर्शनमा रोक लगाएपछि फिल्म निर्माण पक्षले सिके राउत जिन्दावादको सट्टा मधेसी एकता जिन्दावाद को नारा भनेर पुनः निर्माण गरेपछि चलचित्र प्रदर्शनमा आउन लागेको हो ।

बिशेष गरेर मधेस आन्दोलनको कथामा आधारित भएकाले यो सिनेमालाइ सेंसर बोर्डले प्रदर्शनमा रोक लगाएका थिए ।

सीके राउतका केहि संवादमा कैंची चलाए पछि सेंसर बोर्डले चलचित्रलाइ पास गरेको जानकारी सिनेमा को निर्देशक निराजन कुमार मेहताले न्यूज ब्यूरोसँग भने ।

निर्माता उदित नारायण शाह अरुण को एकल लगानीमा निर्मित यो चलचित्र तराईका सप्तरी, सिरहा, धनुषा र भैरवा लगायत ठाउँमा शूटिंग भएको हो ।

फिल्ममा नायक र निर्देशक निराजन कुमार मेहता, नीता घिमिरे, ध्रुब कोइराला, प्रबीन लाल यादव, मनोज राज, देव यादव र उषा पण्डे लगायतले अभिनय गरेका हुन ।

भोजपुरी भाषाको यो फिल्म डा. सिके राउतलाई नै लिएर निरन्तर विवादीत भएको थियो भने फिल्म प्रदर्शन गर्न दिनुपर्ने भन्दै आन्दोलन समेत गरिएको थियो ।

फिल्म प्रदर्शनको लागि मधेसका कलाकारहरुले एकता जनाउँदै सडक समेत तताएका थिए ।

नेपालको कैयौँ सिनेमा घरहरुमा यो फिल्म प्रदर्शनमा आगामी चैत्त ९ गतेदेखि आउने भएकोले दर्शकहरु मधेस आन्दोलनको पक्षलाई समेटिएकोले रुचाउने दाबी निर्माण पक्षको छ ।