लहान बसपार्कका पप्पु ठेकेदारले गुण्डा लगाएर पत्रकार साहको मोबाइल खोसे

न्यूज ब्यूरो, सिरहा । सिरहा जिल्लाको लहानस्थित रहेको बसपार्कका एक ठेकेदारले सँचारकर्मीको मोबाइल खोसेका छन् । न्यूज ब्यूरोका सिरहा सँवाददाता विजय साहको मोबाईल ठेकेदार पप्पु सिँहले खोसेका छन् ।

राजमार्गबाट ठेकेदार सिँहले बस, गाडीहरुलाई रोकेर बसपार्क छिराउने बिषयमा भइरहेको विवादको भिडियो खिचिरहेका न्यूज ब्यूरोका सिरहा सँवाददाता साहको मोबाईल खोसेका हुन् ।

ठेकेदार पप्पुले पूर्व पश्चिम राजमार्गमा चल्ने सवारीहरुलाई बल जबरदस्ती बसपार्क भित्र छिराउन गुण्डा परिचालन गरेका थिए । उनका गुण्डाहरुले सँचारकर्मी साहको मोबाईल खोसेको बताएका छन् ।

बस चालकहरुले जबरदस्ती बसपार्क भित्र बस नछिराउने तथा यात्रु सुविधाको लागि सीधा राजमार्गमा चलाउन खोज्दा ठेकेदार पप्पुले गुण्डा परिचालन गरेका छन् । परिचालन गरिएका गुण्डाहरुले बीच राजमार्गबाट बस जबरदस्ती छिराउने गरिन्छ ।

उनीहरुले धाकधम्की सहित हातपात समेत गरेर बसहरुलाई बसपार्क भित्र लैजानु नै पर्ने भन्दै गुनासो पनि आएको छ ।