जनकपुरका महरालाई बचाउन भएभरको सम्पति बेचिदिए, आर्थिक तँगीले लाचार भएर सहयोगको गुहार

न्यूज ब्यूरो, जनकपुरधाम । धनुषाको एक युवक (विद्यार्थी) ले आर्थिक अभावको कारण उपचार गराउन समस्या भएको छ । उनको परिवारजनले आर्थिक सहयोगको लागि अपिल गरेको छ ।

धनुषा जिल्ला धनौजी गाउँपालिका वडा नम्बर २ गौरदाहा बस्ने राजीन्दर महराका १९ बर्षिय छोरा कृष्ण कुमार राम (महरा) ब्लड क्यान्सरबाट ग्रसित भएका छन् । परिवारजनसँग भएको सम्पतिहरु बेचेर पनि उनको उपचार अझै बाँकी रहँदा मृत्यूको मुखमा परेका छन् ।

१२ कक्षामा अध्ययनरत वर्ष १९ का कृष्ण कुमार राम Blood Cancer -T–Cell Lymphoma बाट ग्रसित भएका छन् । उनको उपचार विगत ४ महिनादेखि काठमाडौँको जावलाखेलस्थित Blood & Multispeciality Hospital मा भईरहेको छ ।

उनको उपचारको लागि परिवार र आफन्तजनले सहयोग र सम्पति बेचेर २५ लाख बढी रुपैयाँ खर्च गरेपनि अझै त्यति बराबरको रकमको खाँचो रहेको भन्दै उनका बुवा राजेन्द्र रामले आर्थिक सहयोग गरि छोरा बचाइदिन सबैमा आग्रह गरेका छन् ।

परिवारको आर्थिक अवस्था कमजोर रहेको उनको उपचार खर्चमा आर्थिक अभाव भएको छ । जीवन मरणको दोसाँधमा रही मृत्युसँग संघर्ष गरिरहेका उनको थप उपचारका लागि आर्थिक सहयोग गरिदिन सबैमा अपिल गरेको छ ।

कक्षा १२ मै अध्ययनरत छोरालाई बचाउनको लागि उनका बुवाले भएभरको घर बाहेक सबै सम्पति बेचिदिएका छन् । अति विपन्न परिवारबाट रहेका महरालाई उपचारको लागि आवश्यक रकम सहयोग गर्न सहयोगी हातहरुलाई अपिल गरेको छ ।

सहयोग गर्न सहयोगी मनहरुले बिरामी कृष्ण कुमार रामको बुवा राजीन्दर महराको बैंक खातामा रकम जम्मा गरि सहयोग गर्न वा प्रत्यक्ष रुपमा भेटेर वा फोन नं. 9860290183 र 9818573283 सम्पर्क गरि विरामीबारे वा सहयोग बारे जानकारी समेत लिन अपिल गरेका छन् ।

उनलाई प्रत्यक्ष रुपमा सहयोग गर्नको लागि उनका बुवा राजेन्द्र रामले एक बैँक खाता सँचालन गरी रकम सहयोग गर्न अपिल गरेका छन् । उनले दिएको बैँक विवरण:

Account Name: Rajeendar Mahara

AC No. : 0080009235C5

Bank: Century Commercial Bank, Jawalakhel Branch

E–Sewa – 9808155006